ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଆକ୍ରମଣ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ। ସେ ଏକାଧିକ ଟ୍ବିଟ୍ ଜରିଆରେ କହିଛନ୍ତି, ପୁଲଓ୍ବାମା ଆକ୍ରମଣ ମୋଦିଙ୍କୁ ରାଜନୈତିକ ଫାଇଦା ପ୍ରଦାନ ପାଇଁ ଉଦ୍ଦିଷ୍ଟ ଥିଲା। ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ମୋଦି ବିଜୟ ହେବା ନେଇ ଆଶାପୋଷଣ କରିବା ପରେ ଏହି ମତ ରଖିଛନ୍ତି କେଜ୍ରିଓ୍ବାଲ। ସେ କହିଛନ୍ତି ପାଳକିସ୍ତାନ ଆମର ୪୦ ଯବାନଙ୍କୁ ହତ୍ୟା କରିଥିଲା କେବଳ ମୋଦିଙ୍କୁ ରାଜନୈତିକ ଫାଇଦା ପ୍ରଦାନ କରିବା ପାଇଁ। ଆଜିଠାରୁ ୧୮ଟି ରାଜ୍ୟ ଏବଂ ୨ଟି କେନ୍ଦ୍ରଶାଶିତ ଅଞ୍ଚଳରେ ନିର୍ବାଚନ ଆରମ୍ଭ ହୋଇଥିବା ବେଳେ ମୋଦିଙ୍କୁ ଆକ୍ରମଣ କରି ସେ କହିଛନ୍ତି, ପାକିସ୍ତାନ ସହିତ ମୋଦିଙ୍କର ଗୁପ୍ତ ରାଜିନାମା ରହିଛି ଏବଂ ମୋଦିଙ୍କ ନମୋ ଚ୍ୟାନେଲରେ ପାକିସ୍ତାନ ଅର୍ଥ ନିବେଶ କରିଛି। କେବଳ କେଜ୍ରିଓ୍ବାଲ ନୁହନ୍ତି ଅନ୍ୟାନ୍ୟ ଦଳର ରାଜନୈତିକ ନେତା ମାନେ ମଧ୍ୟ ଇମ୍ରାନଙ୍କ ମୋଦିଙ୍କୁ ଖୋଲା ସମର୍ଥନ ଉପରେ ପ୍ରଶ୍ନ ଉଠାଇଛନ୍ତି। ପିଡିପି ମୁଖ୍ୟ ମେହବୁବା ମୁଫ୍ତି, ଓମାର ଅବଦୁଲ୍ଲା, କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ୍ଡି କୁମାରସ୍ବାମୀ ପ୍ରମୁଖ ଏହି ଘଟଣା ନେଇ ଉଭୟ ମୋଦି ଏବଂ ଭାରତୀୟ ଜନତା ପାର୍ଟିକୁ ସମାଲୋଚନା କରିଛନ୍ତି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta , ଡାଉନଲୋଡ ପରେ ଟିପରେ ସ୍କ୍ରିନକୁ ତଳୁ ଉପରକୁ ଘଷି ପଢିଚାଲନ୍ତୁ ଖବର ପରେ ଖବର )
