ଭୁବନେଶ୍ବର: ଆଜି ରାଜ୍ୟରୁ ଆଉ ୨ ହଜାର ୮୨୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି।
ଆଜି ସର୍ବାଧିକ କଟକରୁ ୩୯୮, ଖୋର୍ଦ୍ଧାରୁ ୩୯୬, ବାଲେଶ୍ବରରୁ ୨୪୫, ମୟୂରଭଞ୍ଜରୁ ୨୦୨, ଯାଜପୁରରୁ ୧୯୦, କେନ୍ଦ୍ରାପଡାରୁ ୧୫୪, ଜଗତସିଂହପୁରରୁ ୧୪୪, ଭଦ୍ରକରୁ ୧୪୧, ପୁରୀରୁ ୧୨୬, ନୟାଗଡରୁ ୧୦୬, କେନ୍ଦୁଝରରୁ ୧୦୧, ଢେଙ୍କାନାଳରୁ ୮୨, ମାଲକାନାଗିରିରୁ ୬୯, ସୁନ୍ଦରଗଡରୁ ୬୧, କୋରାପୁଟରୁ ୫୮, ଅନୁଗୁଳରୁ ୫୨, ରାୟଗଡରୁ ୪୫, କଳାହାଣ୍ଡିରୁ ୨୪, କନ୍ଧମାଳରୁ ୨୩, ସମ୍ବଲପୁରରୁ ୨୨, ଗଞ୍ଜାମରୁ ୨୦, ନବରଙ୍ଗପୁରରୁ ୧୯, ବରଗଡରୁ ୧୮, ସୋନପୁରରୁ ୧୩, ଗଜପତିରୁ ୧୧, ବୌଦ୍ଧରୁ ୯, ନୂଆପଡାରୁ ୯, ବଲାଙ୍ଗୀରିରୁ ୬, ଝାରସୁଗୁଡାରୁ ୬, ଦେବଗଡରୁ ୫ ଏବଂ ଷ୍ଟେଟ ପୁଲରୁ ୬୯ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି।
ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୯ ଲକ୍ଷ ୧୨ ହଜାର ୪୬୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୩୯ ହଜାର ୭୫୨ କୁ ବୃଦ୍ଧି ହୋଇଥିବାବେଳେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୨୨ ହଜାର ୬୩୭ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୪୫୯୮ କୁ ବୃଦ୍ଧି ହୋଇଛି।
