ନିର୍ମାତା ନିର୍ଦ୍ଦେଶକ କରନ୍ ଜୋହରଙ୍କ ସୁପରହିଟ୍ ଫିଲ୍ମ ‘ଷ୍ଟୁଡେଣ୍ଟ ଅଫ୍ ଦ ଇଅର୍’ର ସ୍ବିକେଲ୍ ‘ଷ୍ଟୁଡେଣ୍ଟ ଅଫ୍ ଦ ଇଅର୍-୨’ର ଆଜି ଟ୍ରେଲର୍ ରିଲିଜ୍ ହୋଇଛି । ଏହି ଫିଲ୍ମରେ ଦୁଇ ନବାଗତାଙ୍କ ବଲିଉଡ୍ ଏଣ୍ଟ୍ରି କରୁଛନ୍ତି । ଏହି ଫିଲ୍ମ ଜରିଆରେ ଅନନ୍ୟା ପାଣ୍ଡେ ଓ ତାରା ସୁତାରିଆ ବଲିଉଡ ଡେବ୍ୟୁ କରୁଛନ୍ତି । ଟ୍ରେଲର୍ରେ ଦୁହେଁ ବହୁତ ଗ୍ଲାମର୍ସ ଲୁକ୍ରେ ନଜର ଆସିଛନ୍ତି । ସେହିପରି ଏହି ଫିଲ୍ମର ଅଭିନେତା ଟାଇଗର ଶ୍ରଫ୍ ଏହି ଟ୍ରେଲର୍ରେ ଏକଦମ୍ ସେ ରଫ୍ ଟଫ୍ ଲୁକ୍ରେ ନଜର ଆସିଛନ୍ତି । ଟାଇଗର୍ଙ୍କ ଷ୍ଟଣ୍ଟ୍ ମଧ୍ୟ ଏହି ଫିଲ୍ମର ଟ୍ରେଲର୍ରେ ଦେଖିବାକୁ ମିଳିଥିବାବେଳେ ଦୁଇ ନବାଗତାଙ୍କ ସୌନ୍ଦର୍ଯ୍ୟର ଯାଦୁ ଦେଖାଇଛନ୍ତି । ଟ୍ରେଲର୍ରେ ପୂରାପରି କଲେଜ ମସ୍ତି, କମ୍ପିଟିସନ୍ ଓ ବନ୍ଧୁତା ପ୍ରେମ, ବୁଦ୍ଧିମତାର ପ୍ରଦର୍ଶନ କରାଯାଇଛି । ଟ୍ରେଲର୍ ଆସିବା ପୂର୍ବରୁ ଦୁଇ ଅଭିନେତ୍ରୀଙ୍କର ପୋଷ୍ଟର ରିଲିଜ୍ କରାଯାଇଥିଲା । ଏହି ଫିଲ୍ମରେ ତାରାଙ୍କ ନାମ ମିଆ ଓ ଅନ୍ୟନ୍ୟାଙ୍କ ନାମ ଶ୍ରିୟା ରହିଛି । ’ଷ୍ଟୁଡେଣ୍ଟ ଅଫ୍ ଦ ଇଅର୍‘ ଫିଲ୍ମରେ ବରୁଣ ଧାଓ୍ବନ, ସିଦ୍ଧାର୍ଥ ମାଲହୋତ୍ରା ଓ ଆଲିଆ ଭଟ୍ଟ ପ୍ରମୁଖ ଅଭିନୟ କରି ବଲିଉଡ୍ ଏଣ୍ଟ୍ରି କରିଥିଲେ । ତିନିହେଁ ଏବେ ବଲିଉଡ୍ରେ ଖୁବ୍ ସଫଳ ।
