ନୁୂଆଦିଲ୍ଲୀ, କେନ୍ଦ୍ର ସରକାର ଦେଶରେ ଦିଆଯାଉଥିବା ଖେଳରତ୍ନ ପୁରସ୍କାରର ନାମ ପରିବର୍ତ୍ତନ କରିଛନ୍ତି। ଏ ନେଇ ପ୍ରଧାନମନ୍ତ୍ରୀ ଟୁଇଟି କରି ଅବଗତ କରାଇଛନ୍ତି। ଭାରତର ଖେଳାଳୀଙ୍କୁ ରାଜୀବ ଗାନ୍ଧୀ ଖେଳରତ୍ନ ପୁରସ୍କାର ପ୍ରଦାନ କରାଯାଉଛି । ଏହା ହେଉଛି ଭାରତର କ୍ରୀଡା ଜଗତରେ ସର୍ବୋଚ୍ଚ ପୁରସ୍କାର। ହେଲେ ଏହି ପୁରସ୍କାର ବର୍ତ୍ତମାନ ନୂଆ ନାମରେ ଦିଆଯିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟି କରି ଜଣାଇଛନ୍ତି ଯେ, ଏହି ପୁରସ୍କାରର ନାମ ଧ୍ୟାନଚାନ୍ଦ ଖେଳରତ୍ନ ପୁରସ୍କାର ନାମରେ ପ୍ରଦାନ କରାଯିବ। ମୋଦି କହିଛନ୍ତି ଯେ ଦେଶର ଲୋକଙ୍କ ଭାବାବେଗକୁ ଦୃଷ୍ଟିରେ ରଖି ଏହି ପୁରସ୍କାରର ନାମ ପରିବର୍ତ୍ତନ କରାଯାଇଛି।
