ଭାରତୀୟ ଓପ୍ନର ଶିଖର ଧଓ୍ବନ୍ଙ୍କୁ ବିଶ୍ବର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ୍ ବୋଲି କହିଛନ୍ତି ପୂର୍ବତନ ଭାରତୀୟ ଅଧିନାୟକ ସୌରଭ ଗାଙ୍ଗୁଲି । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଚଳିତ ସିଜିନ୍ର ଆଇପିଏଲ୍ ଖେଳୁଥିବା ଧଓ୍ବନ୍ କେକେଆର ବିପକ୍ଷରେ ୬୩ବଲ୍ରୁ ୯୭ ରନ୍ର ଇନିଂସ ଖେଳିବା ସହିତ ଦଳର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ । ନିଜ ଆଇପିଏଲ୍ କ୍ୟାରିୟରର ୧୫୦ତମ ମ୍ୟାଚ୍ ଖେଳୁଥିବା ଧଓ୍ବନ୍ଙ୍କ ବ୍ୟାଟିଂକୁ ଦାଦା ପ୍ରଶଂସା କରିବା ସହିତ ଧଓ୍ବନ୍ ଏବଂ ରୋହିତଙ୍କ ଯୋଡି ଚଳିତ ସମୟର ଶ୍ରେଷ୍ଠ ଓପନିଂ ଯୋଡି ବୋଲି କହିଥିଲେ । ଗାଙ୍ଗୁଲି କହିଥିଲେ କି, ଆଇପିଏଲ୍ ନିଲାମୀ ପୂର୍ବରୁ ଦଳ ଧଓ୍ବନଙ୍କୁ କିଣିବାକୁ ଚାହୁଁଥିଲା । ବିଜୟ ଶଙ୍କର, ଶାହବାଜ ନଦୀମ ଏବଂ ଅଭିଷେକ ଶର୍ମାଙ୍କ ବଦଳରେ ଦଳ ଧଓ୍ବନଙ୍କୁ ପ୍ରତ୍ୟର୍ପଣ କରିଥିଲା ହାଇଦ୍ରାବାଦ ସହିତ । ସେହିପରି ଟୁର୍ଣ୍ଣାମେଣ୍ଟ ଦ୍ବିତୀୟ ଚରଣରେ ପ୍ରବେଶ କରୁଥିବା ବେଳେ ଧଓ୍ବନ୍ ଫର୍ମକୁ ଫେରିବା ଦିଲ୍ଳୀ ସହିତ ଭାରତୀୟ ଟିମ୍ ପାଇଁ ଶୁଭ ସୂଚନା । ଧଓ୍ବନ୍ ଇଂଲଣ୍ଡ ପରିବେଶରେ ସର୍ବଦା ଭଲ ଖେଳନ୍ତି ତେଣୁ ସେ ନିଶ୍ଚୟ ଭଲ କରିବେ ବୋଲି କହିଛନ୍ତି ସୌରଭ । ପୂର୍ବରୁ ଚାମ୍ପିୟନ୍ସ ଟ୍ରଫିରେ ଶ୍ରେଷ୍ଠ ବ୍ୟାଟ୍ସମ୍ୟାନ୍ ଘୋଷିତ ହୋଇଥିଲେ ଧଓ୍ବନ୍ । ଦୁଇଟି ଫର୍ମାଟ୍ ସମ୍ପୂର୍ଣ୍ଣ ଅଲଗା ହୋଇଥିଲେ ମଧ୍ୟ ଧଓ୍ବନ୍ ଭଲ ଖେଳିବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି ଗାଙ୍ଗୁଲି ।
dhawan is one of the greatest opening batsman