ନୂଆଦିଲ୍ଲୀ, ଭାରତର ଚାରୋଟି ସ୍ଥାନକୁ ରାମସାର ମାନ୍ୟତା ମିଳିଛି। ଏ ନେଇ ଆଜି କେନ୍ଦ୍ର ଜଙ୍ଗଲ ଏବଂ ପରିବେଶ ମନ୍ତ୍ରୀ ଭୁପେନ୍ଦର ଯାଦବ ସୂଚନା ଦେଇଛନ୍ତି। ସେଗୁଡିକ ହେଲା ଗୁଜୁରାଟର ଥୋଲ୍ ଏବଂ ୱାଧାନା, ସେହିପରି ହରିୟାନାର ସୁଲତାନପୁର ଏବଂ ବିନ୍ଦୱାସ। ବହୁ ବର୍ଷ ତଳେ ଓଡିଶାର ଚିଲିକାକୁ ଏହି ମାନ୍ୟତା ମିଳିସାରିଛି। ଫଳରେ ଭାରତର ବର୍ତ୍ତମାନ ଏହି ମାନ୍ୟତା ହାସଲ କରିବାରେ ସ୍ଥାନ ସଂଖ୍ୟା ହେଲା 46।
ଭାରତର ଏକକାଳୀନ 4ଟି ସ୍ଥାନକୁ ବିଶ୍ବର ଏହି ମାନ୍ୟତା ମିଳିବା ନିଶ୍ଚିତ ଗର୍ବର ବିଷୟ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଲ୍ଲେଖ କରିଛନ୍ତି। ଏକ ଟୁଇଟ କରି ସେ କହିଛନ୍ତି ଯେ, “ଭାରତର ଚାରିଟି ସ୍ଥାନ ରାମସାର ମାନ୍ୟତା ପାଇବା ଆମ ପାଇଁ ଗର୍ବର କଥା । ପ୍ରାକୃତିକ ବାସସ୍ଥଳୀ ସଂରକ୍ଷଣ, ବୃକ୍ଷ ଓ ଜୀବଜନ୍ତୁ ସଂରକ୍ଷଣ ପାଇଁ ପଦକ୍ଷେପ ଓ ସବୁଜ ଗ୍ରହ ନିର୍ମାଣ ଭଳି ଭାରତର ବେଶ ପୁରୁଣା ନୀତିକୁ ଦର୍ଶାଉଛି ।”
