ବଲିଉଡ୍ରେ ଏବେ ପୁରୁଣା ଫିଲ୍ମକୁ ଆଉଥରେ ରିମେକ୍ କରାଯାଉଛି। ୧୯୭୮ର ଲୋକପ୍ରିୟ ଫିଲ୍ମ ‘ପତି ପତ୍ନୀ ଔର ଓ୍ବ’କୁ ରିମେକ୍ କରାଯାଉଛି। ଏହି ଫିଲ୍ମରେ କାର୍ତ୍ତିକ ଆର୍ଯ୍ୟନ୍, ଭୂମି ପେଡେନ୍କର୍ ଓ ଅନ୍ୟାନ୍ୟ ପାଣ୍ଡେ ପ୍ରମୁଖ ଅଭିନୟ କରୁଛନ୍ତି। ଏହିପରି ବଲିଉଡ୍ର ଆଉ ଏକ ସୁପରହିଟ୍ ଫିଲ୍ମର ରିମେକ୍ ହେବା ପାଇଁ ପ୍ରସ୍ତୁତି ଚାଲିଛି। ମିଳିଥିବା ସୂଚନା ଅନୁସାରେ ୧୯୭୫ର ସୁପରହିଟ୍ କମେଡ଼ି ଫିଲ୍ମ ‘ଚୁପ୍କେ ଚୁପ୍କେ’ ଫିଲ୍ମର ରିମେକ୍ ହେବ। ଏଥିରେ ରାଜକୁମାର ରାଓ ମୁଖ୍ୟ ଭୂମିକାରେ ନଜର ଆସିବେ। ପ୍ରଯୋଜକ ଭୂଷଣ କୁମାର ଓ ଲଭ୍ ରଞ୍ଜନଙ୍କ ମିଳିତ ଉଦ୍ୟମରେ ଏହି ଫିଲ୍ମଟି ନିର୍ମାଣ ହେବା ନେଇ ଖବର ରହିଛି। ରାଜକୁମାର ଏଥିରେ ଧର୍ମେନ୍ଦ୍ର ଅଭିନୀତ ପ୍ରଫେସର ପରିମଲ୍ ତ୍ରିପାଠି ଆକା ପ୍ୟାରେଲାଲ୍ଙ୍କ ଭୂମିକାରେ ନଜର ଆସିବେ। ମୂଳ ଫିଲ୍ମରେ ଧର୍ମେନ୍ଦ୍ରଙ୍କ ବ୍ୟତୀତ ଅମିତାଭ ବଚ୍ଚନ, ସୁକୁମାର ସିହ୍ନା, ଶର୍ମିଳା ଟାଗୋର୍ ପ୍ରମୁଖ ନଜର ଆସିଥିଲେ। ତେବେ ଏହି ରିମେକ୍ ଫିଲ୍ମରେ ରାଜକୁମାର ଧର୍ମେନ୍ଦ୍ରଙ୍କ ଡବଲ୍ ରୋଲ୍ରେ ଅଭିନୟ କରିବେ। ଅନ୍ୟ ଷ୍ଟାର୍ କାଷ୍ଟ୍ଙ୍କ ବିଷୟର କିଛି ସୂଚନା ମିଳିପାରି ନାହିଁ। ଏବେ ରାଜକୁମାର ରାଓ ଓ କଙ୍ଗନା ରଣାଓ୍ବତଙ୍କ ଅଭିନୀତ ‘ମେଣ୍ଟାଲ୍ ହୈ କ୍ୟା’କୁ ନେଇ ବେଶ୍ ଚର୍ଚ୍ଚା ଲାଗି ରହିଛି। ଫିଲ୍ମଟି ଜୁନ୍ ୨୧ରେ ପରଦାକୁ ଆସିବ।
