ହିନ୍ଦୁତ୍ବ ଶବ୍ଦକୁ ନେଇ ରାଜନୈତିକ ମାହୋଲ୍ ବେଶ୍ ଗରମ ରହିଥିବାବେଳେ ବରିଷ୍ଠ କଂଗ୍ରେସ ନେତା ଦିଗ୍ବିଜୟ ସିଂହ ଶନିବାର ଦିନ ଏକ ପ୍ରଶ୍ନର ଉତ୍ତରରେ ହିନ୍ଦୁତ୍ବ ଶବ୍ଦ ତାଙ୍କ ଡିକ୍ସନାରୀରେ ନାହିଁ ବୋଲି କହିଥିଲେ। ଏହାପରେ ଦିଗ୍ବିଜୟଙ୍କ ବୟାନକୁ ନେଇ ବହୁତ ଚର୍ଚ୍ଚା ହୋଇଥିଲା। ତେବେ ଏକ ଟୁଇଟର୍ ଜରିଆରେ ଏହାର ସ୍ପଷ୍ଟୀକରଣ ପ୍ରଦାନ କରିଛନ୍ତି ଦିଗ୍ବିଜୟ। ସେ ତାଙ୍କ ଟୁଇଟରରେ ‘ସନାତନ ହିନ୍ଦୁ ଧର୍ମ ଉପରେ ଗର୍ବ’ ରହିଛି ବୋଲି କହିବା ସହିତ ହିନ୍ଦୁତ୍ବର ତୁଳନା ଆରଏସଏସ୍ ଦ୍ବାରା ପ୍ରଚାରିତ ଏକ ରାଜେନୖତିକ ସଂସ୍କରଣ ବୋଲି କହିଛନ୍ତି। ସେ ହିନ୍ଦୁ ଧର୍ମର ପାଳନ କରନ୍ତି, ଯାହା ଦୁନିଆର ହଜାର ବର୍ଷ ଧରି ଜୀବନକୁ ମାର୍ଗ ଦେଖାଇଛି। ସେ ତାଙ୍କ ଧର୍ମକୁ ହିନ୍ଦୁତ୍ବକୁ କେବେ ବି ପ୍ରଦାନ କରିବେ ନାହିଁ, ଯାହା ରାଜନୈତିକ ସତ୍ତା ପାଇଁ ସଂଘର ସାଜିସ୍। ତାଙ୍କୁ ତାଙ୍କର ସନାତନ ଧର୍ମ ଉପରେ ଗର୍ବ ରହିଛି, ଯାହା ବସୁଧୈବ କୁଟୁମ୍ବକମ୍କୁ ସ୍ବୀକାର କରିଥାଏ। ସଂଘର ହିନ୍ଦୁତ୍ବ ବିଭାଜନକାରୀ ଅଟେ। ସେ ତାଙ୍କ ଧର୍ମକୁ ରାଜନୀତି ଦ୍ବାରା ଅପହରଣ କରିବାକୁ ଦେବେ ନାହିଁ। ହିନ୍ଦୁ ଧର୍ମ ଏକ ବିଶ୍ବାସ ଅଟେ। ଭଗବାନଙ୍କ ସହ ଏକ ବ୍ୟକ୍ତିଗତ ସମ୍ବନ୍ଧ ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ଦିଗ୍ବିଜୟ ସିଂ। ବିଜେପି କେବେଠାରୁ ଭଗବାନ ଆଉ ତାଙ୍କ ମଧ୍ୟରେ ପ୍ରମାଣପତ୍ର ଦେବାର ଏଜେଣ୍ଟ ହୋଇଗଲା ବୋଲି କହି ବିଜେପି ତାତ୍ସଲ୍ୟ କରିଛନ୍ତି। ଭୋପାଳରୁ କଂଗ୍ରେସ ତରଫରୁ ପ୍ରାର୍ଥୀ ହୋଇଥିବାବେଳେ ତାଙ୍କ ବିରୋଧରେ ନିର୍ବାଚନ ଲଢୁଛନ୍ତି ବିଜେପିର ସାଧ୍ବୀ ପ୍ରଜ୍ଞା।
digvijoy singh keeps his remarks on hindutwa issue
