ଭୁବନେଶ୍ବର: ‘ଇଟ୍ ରାଇଟ୍ ଷ୍ଟେସନ୍ ପ୍ରମାଣପତ୍ର ” ଇଟ୍ ରାଇଟ୍ ଇଣ୍ଡିଆ ଆନ୍ଦୋଳନର ଏକ ଅଂଶ ଅଟେ। ସମସ୍ତ ଭାରତୀୟଙ୍କ ପାଇଁ ନିରାପଦ, ସୁସ୍ଥ ଏବଂ ନିରନ୍ତର ଖାଦ୍ୟ ସୁନିଶ୍ଚିତ କରିବା ଲକ୍ଷ୍ୟରେ ଖାଦ୍ୟ ନିରାପତ୍ତା ଏବଂ ଷ୍ଟାଣ୍ଡାର୍ଡ ଅଥରିଟି ଅଫ୍ ଇଣ୍ଡିଆ (FSSAI) ଦ୍ୱାରା ଭାରତରେ ଖାଦ୍ୟ ବ୍ୟବସ୍ଥାରେ ପରିବର୍ତ୍ତନ ଆଣିବା ପାଇଁ ଏହା ଏକ ବୃହତ ପ୍ରୟାସ। ଇଟ୍ ରାଇଟ୍ ଇଣ୍ଡିଆ ଭାରତୀୟ ଲୋକ ମାନଙ୍କୁ ନିୟାମକ, ଦକ୍ଷତା ବିକାଶ, ସହଯୋଗୀ ଏବଂ ସଶକ୍ତିକରଣ ପଦ୍ଧତି ଗ୍ରହଣ କରି ଉପଯୁକ୍ତ ଖାଦ୍ୟ ସୁନିଶ୍ଚିତ କରାଇଥାଏ।
ଯାତ୍ରୀମାନଙ୍କୁ ଉଚ୍ଚମାନର, ପୁଷ୍ଟିକର ଖାଦ୍ୟ ଯୋଗାଇବା ପାଇଁ ଖୋର୍ଦ୍ଧା ରୋଡ଼ ର ଭୁବନେଶ୍ୱର ରେଳ ଷ୍ଟେସନକୁ “ଇଟ ରାଇଟ ” ଷ୍ଟେସନ ଭାବରେ ମାନ୍ୟତା ପତ୍ର ପ୍ରଦାନ କରାଯାଇଛି। 1 ରୁ 5 ପର୍ଯ୍ୟନ୍ତ ରେଟିଂ ସହିତ FSSAI ଦ୍ୱାରା ନିୟୋଜିତ ଥାର୍ଡ ପାର୍ଟି ଅଡିଟ୍ ଏଜେନ୍ସିର ସର୍ଭେ ସମାପ୍ତି ପରେ ଏହି ମାନ୍ୟତା ପତ୍ର ଭୁବନେଶ୍ୱର ରେଲୱେ ଷ୍ଟେସନ୍ କୁ ପ୍ରଦାନ କରାଯାଇଥିଲା। ଭୁବନେଶ୍ୱର ଷ୍ଟେସନ 4 ତାରକା ମୂଲ୍ୟାୟନ ହାସଲ କରିଛି। 4-ତାରକା ମୂଲ୍ୟାୟନ ରେଳବାଇ ଯାତ୍ରୀମାନଙ୍କ ପାଇଁ ନିରାପଦ ତଥା ସ୍ୱଚ୍ଛ ଖାଦ୍ୟ ଉପଲବ୍ଧ କରାଇବା ପାଇଁ ଏକ ବଳିଷ୍ଠ ପ୍ରୟାସ। ଏହା ଭୁବନେଶ୍ୱର ଷ୍ଟେସନରେ ରେଳ କର୍ତ୍ତୃପକ୍ଷଙ୍କ ଦ୍ୱାରା କରାଯାଇଥିବା ଆଦର୍ଶ ପ୍ରୟାସକୁ ସୂଚିତ କରେ। ଭୁବନେଶ୍ୱର ରେଳ ଷ୍ଟେସନରେ ଥିବା ସମସ୍ତ କ୍ୟାଟରିଂ ଷ୍ଟଲରେ ଖାଦ୍ୟ ଲାଇସେନ୍ସ ପ୍ରମାଣପତ୍ର ଏବଂ ବିକ୍ରେତାଙ୍କ ପାଖରେ ମେଡିକାଲ ଫିଟନେସ୍ ସାର୍ଟିଫିକେଟ୍ ରହିଛି।
ଆଜି ଭୁବନେଶ୍ୱର ରେଳ ଷ୍ଟେସନରେ ଏକ କାର୍ଯ୍ୟକ୍ରମରେ ୟାମିନୀ ସରଙ୍ଗୀ, ଓଡିଶା ସରକାରଙ୍କ ଖାଦ୍ୟ ସୁରକ୍ଷା କମିଶନର ଖୋର୍ଦ୍ଧା ରୋଡ଼ ରେଳ ମଣ୍ଡଳର ଡିଭିଜନାଲ ରେଳ ମ୍ୟାନେଜର ରିଙ୍କେଶ ରାୟଙ୍କୁ ଏହି ପ୍ରମାଣପତ୍ର ପ୍ରଦାନ କରିଥିଲେ।
ଏହି ଅବସରରେ ରିଙ୍କେଶ ରାୟ କହିଛନ୍ତି ଯେ ଖୋର୍ଦ୍ଧା ରୋଡ଼ ଡିଭିଜନ ପାଇଁ ଏହା ଏକ ଗର୍ବର ବିଷୟ ଏବଂ ଭବିଷ୍ୟତରେ ଭୁବନେଶ୍ୱର ଷ୍ଟେସନରେ ଆମର ମୂଲ୍ୟବାନ ଯାତ୍ରୀଙ୍କ ପାଇଁ ସ୍ୱଚ୍ଛତା ଏବଂ ଖାଦ୍ୟ ଗୁଣର ମାନ ବଜାୟ ରଖିବା ପାଇଁ ଆମକୁ ଅଧିକ ଦାୟିତ୍ୟବାନ ହେବାକୁ ପଡ଼ିବ। ସେ କହିଲେ ଯେ ପୁରୀ, କଟକ ଓ ଡିଭିଜନର ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଷ୍ଟେସନ କୁ “ଇଟ ରାଇଟ ” ବର୍ଗରେ ଅନ୍ତର୍ଭୁକ୍ତ କରିବା ପାଇଁ ପ୍ରୟାସ କରାଯିବ। ଡ଼କ୍ଟର ପି .କେ. ମହାପାତ୍ର, ନିର୍ଦ୍ଦେଶକ ଖାଦ୍ୟ ନିରାପତ୍ତା, ଶ୍ରୀ ବି.ଜି.ଏସ୍ ରାଓ, ମୁଖ୍ୟ ଚିକିତ୍ସା ଅଧୀକ୍ଷକ (ସି.ଏମ.ଏସ୍), ଅମିତେଶ ଆନନ୍ଦ, ଡିଭିଜନାଲ କମର୍ସିଆଲ୍ ମ୍ୟାନେଜର, ଖୋର୍ଦ୍ଧା ରୋଡ଼ ଏହି ଉତ୍ସବରେ ଉପସ୍ଥିତ ଥିଲେ।
ଚଣ୍ଡିଗଡ଼, ଆନନ୍ଦ ବିହାର ଟର୍ମିନାଲ, ଛତ୍ରପତି ଶିବାଜୀ ଟର୍ମିନାସ, ମୁମ୍ବାଇ ସେଣ୍ଟ୍ରାଲ ଏବଂ ଭଦୋଦରା ରେଳ ଷ୍ଟେସନ ପରେ ପ୍ରମାଣପତ୍ର ପାଇବା ରେ ଭୁବନେଶ୍ୱର ରେଳ ଷ୍ଟେସନ ହେଉଛି ଭାରତୀୟ ରେଳବାଇର ୬ଷ୍ଠ ରେଳ ଷ୍ଟେସନ।