ଚଣ୍ଡିଗଡ: ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଚରଣଜିତ ସିଂ ଚାନ୍ନିଙ୍କ ସମ୍ପର୍କୀୟ ଜସବିନ୍ଦର ସିଂ ଧାଲିୱାଲ ବିଜେପିରେ ଯୋଗ ଦେଇଛନ୍ତି। ସେ କେନ୍ଦ୍ର ମନ୍ତ୍ରୀ ଗଜେନ୍ଦ୍ର ସିଂ ଶେଖୱାତଙ୍କ ଉପସ୍ଥିତିରେ ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି।
ଏଥି ସହିତ ପଞ୍ଜାବ ନିର୍ବାଚନ ପୂର୍ବରୁ ଜସବିନ୍ଦରଙ୍କ ବିଜେପିରେ ଯୋଗଦେବା କଂଗ୍ରେସ ପାଇଁ ଏକ ବଡ ଝଟକା ଲାଗିଛି। ଉଲ୍ଲେଖ ଯୋଗ୍ୟ ଯେ, ପଞ୍ଜାବରେ ନିର୍ବାଚନ ଫେବୃଆରୀ ୧୪ ତାରିଖରେ ଗୋଟିଏ ପର୍ଯ୍ୟାୟରେ ହେବ। ଏଥି ସହିତ ପଞ୍ଜାବର ପୂର୍ବତନ ବିଧାୟକ ଅରବିନ୍ଦ ଖାନ୍ନା, ଶିରୋମାନି ଅକାଳୀ ଦଳର ନେତା ଗୁରୁଦୀପ ସିଂ ଗୋଶା ଏବଂ ଅମୃତସରର ପୂର୍ବତନ କାଉନସିଲର ଧରମବୀର ସରିନ ସମେତ ବହୁ ନେତା କେନ୍ଦ୍ର ମନ୍ତ୍ରୀ ହାର୍ଦ୍ଦିକ ସିଂ ପୁରୀ ଏବଂ ଗଜେନ୍ଦ୍ର ସିଂ ଶେଖୱାତଙ୍କ ଉପସ୍ଥିତିରେ ଗତକାଲି ବିଜେପିରେ ଯୋଗ ଦେଇଛନ୍ତି।
