2002 ଗୁଜରାତ ଦଙ୍ଗା ସମୟରେ ଘଟିଥିବା ବିଲ୍କିସ୍ ବାନୋ ମାମଲାରେ ପୀଡିତାଙ୍କୁ 50 ଲକ୍ଷ ଟଙ୍କାର ସହାୟତା ରାଶି ପ୍ରଦାନ ପାଇଁ ନିର୍ଦ୍ଦେଶ ଦେଇଛନ୍ତି ସୁପ୍ରିମ୍କୋର୍ଟ । ସାମ୍ପ୍ରଦାୟିକ ଦଙ୍ଗାରେ ପୀଡିତ ବିଲ୍କିସ୍ ୟାକୁବ୍ ରସୁଲ ବାନୋଙ୍କୁ 50 ଲକ୍ଷ ଟଙ୍କାର ସହାୟତା ରାଶି ସହିତ, ସରକାରୀ ଚାକିରି ଏବଂ ପସନ୍ଦ ସ୍ଥାନରେ ସରକାରୀ ଗୃହ ଯୋଗାଇବା ପାଇଁ ମଙ୍ଗଳବାର ଦିନ ସର୍ବୋଚ୍ଚ କୋର୍ଟ ଗୁଜରାତ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ନେତୃତ୍ବରେ ଗଠିତ ଖଣ୍ଡପୀଠ ଏହି ନିଷ୍ପତ୍ତି ନେଇଛନ୍ତି । ମାର୍ଚ୍ଚ 3, 2002ରେ ଅହମ୍ମଦାବାଦର ରାଧିକପୁର ଗ୍ରାମରେ ଗର୍ଭବତୀ ବିଲ୍କିସ୍ ବାନୋଙ୍କୁ ଗଣ ବଳାତ୍କାର କରାଯାଇଥିଲା । ଏହି ଘଟଣାରେ ବାନୋଙ୍କ ପରିବାରର 7 ଜଣଙ୍କୁ ହତ୍ୟା କରାଯାଇଥିଲା । ଗୁଜୁରାତ ସରକାରଙ୍କ ପ୍ରତିନିଧିତ୍ବ କରୁଥିବା ହେମନ୍ତିକା ଓ୍ବାହି ରାୟର ବିରୋଧ କରିବାରୁ ଖମଣ୍ଡପୀଠ ନିରାଶା ବ୍ୟକ୍ତ କରିବା ସହ ଏହି ମାମଲାରେ ସମ୍ପୃକ୍ତ ପୋଲିସ୍ ଅଧିକାରୀଙ୍କ ପେନ୍ସନ୍ ଅର୍ଥ ପ୍ରଦାନ କରିବାକୁ ରାୟ ଶୁଣାଇଥିଲେ ।
