ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ବିଭିନ୍ନ କାରଣରୁ ସ୍ଥଗିତ ଥିବା ୯ଟି ବୁଥରେ ଆସନ୍ତା ୨୫ ତାରିଖରେ ସାନି ମତଦାନ ହେବ । ଏନେଇ ରାଜ୍ୟ ମୁଖ୍ୟ ନିର୍ବାଚନ କମିଶନଙ୍କ କାର୍ଯ୍ୟାଳୟରୁ ସୂଚନା ମିଳିଛି । ସୂଚନାନୁସାରେ, ଗତ ୧୮ ତାରିଖରେ ରାଜ୍ୟରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ୫ଟି ଲୋକସଭା ସମେତ ୩୫ଟି ବିଧାନସଭା ଆସନରେ ଭୋଟଦାନ କରାଯାଇଥିଲା । କିଛି ବୁଥରେ ଇଭିଏମ, ଭିଭିପାଟ୍, ବୁଥ ରିଗିଂ ଅଭିଯୋଗ ଆସିଥିଲା । ଫଳରେ ଏହି ସମସ୍ତ ବୁଥରେ ସାନି ନିର୍ବାଚନ ହେବା ନେଇ କମିଶନ ସୂଚନା ଦେଇଥିଲେ । ତେବେ ଏହି ସବୁ ବୁଥରେ ଆସନ୍ତା ୨୫ରେ ମତଦାନ ହେବ ବୋଲି ଜଣାପଡିଛି । ଏନେଇ ସମସ୍ତ ଜିଲ୍ଲାପାଳଙ୍କୁ ନିର୍ବାଚନ କମିଶନର ସୂଚନା ପ୍ରଦାନ କରିଛନ୍ତି । ସାନି ନିର୍ବାଚନ ହେବାକୁ ଥିବା ବୁଥ ମଧ୍ୟରେ ସୁନ୍ଦରଗଡର ବୁଥ ନମ୍ବର ୨୧୩, ଦଶପଲାର ବାହାଡାଝୋଲା, ବରଗଡ ବେତନଟୀ, ପଦ୍ମପୁର, ଅତାବିରା, ଅରେଇଗୁଡି ଏବଂ ବରଗଡର ଶକ୍ତିନଗର ବୁଥ ସାମିଲ ଅଛନ୍ତି ।
bypoll will hold on 25th