ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ରାଜ୍ୟମନ୍ତ୍ରୀ ଭାରତୀ ପାୱାର ଲୋକସଭାରେ କହିଛନ୍ତି ଯେ, କୋଭିଡ-୧୯ ଟୀକାକରଣର ଦ୍ୱିତୀୟ ମାତ୍ରା ଗ୍ରହଣ କରିବା ପରେ ପାର୍ଶ୍ୱ ପ୍ରତିକ୍ରିୟା ଯୋଗୁଁ ୧୬୭ ଜଣଙ୍କର ମୃତ୍ୟୁ ଘଟିଛି। ଏକ ପ୍ରଶ୍ନର ଲିଖିତ ଉତ୍ତରରେ ସେ ଏହି ସୂଚନା ଦେଇଛନ୍ତି।
କେରଳରେ ସର୍ବାଧିକ ୪୩ ଟି ମାମଲା ଆସିଛି ବୋଲି ମନ୍ତ୍ରୀ ଗୃହକୁ ସୂଚନା ଦେଇଛନ୍ତି। ଏହା ପରେ ମହାରାଷ୍ଟ୍ରରେ ୧୫, ପଶ୍ଚିମବଙ୍ଗରେ ୧୪ ଏବଂ ମଧ୍ୟପ୍ରଦେଶ ଏବଂ ଓଡିଶାରେ ୧୨ ଜଣଙ୍କର ମୃତ୍ୟୁ ଘଟିଛି। ଅନ୍ୟ ଏକ ପ୍ରଶ୍ନର ଲିଖିତ ଉତ୍ତରରେ ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିଆ କହିଛନ୍ତି ଯେ, ସ୍ତନ୍ୟପାନ କରାଉଥିବା ମହିଳାଙ୍କ ପ୍ରତି ଟୀକାକରଣ ପରେ ୧୩ ଟି ପ୍ରତିକୂଳ ପ୍ରଭାବ ପଡିଛି। ଗତ ଫେବୃଆରୀ ୩ ତାରିଖ ପର୍ଯ୍ୟନ୍ତ ଏହି ରିପୋର୍ଟ କରାଯାଇଛି ଏବଂ ଏହା ସାମାନ୍ୟ ଲକ୍ଷଣ ଥିଲା।
