ଗଂଜାମ: ଆଜି ପଞ୍ଚାୟତ ନିର୍ବାଚନର ଶେଷ ପର୍ଯ୍ୟାୟ ଭୋଟ ଗ୍ରହଣ ଥିଲା। ଏଥିରେ ଆସ୍କା ନିର୍ବାଚନ ମଣ୍ଡଳୀରେ ମଧ୍ୟ ମତଦାନ କରାଯାଇଥିଲା। ଆଜି ବିଜେଡି ସାଂସଦ ପ୍ରମିଳା ବିଶୋଇଙ୍କର ମଧ୍ୟ ଭୋଟଦାନ ପାଇଁ ଦିନ ଥିଲା। ସେହି ଅନୁସାରେ ସେ ତାଙ୍କ ବୁଥକୁ ଭୋଟ ଦେବା ପାଇଁ ଆସିଲେ। ହେଲେ ବୁଥ ଭିତରେ ସେ ଯାହା କଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲା।
ତାହା ହେଲା ଯେ, ସେ ଭୋଟ ଦେବା ପରେ ବାଲଟ ପେପରକୁ ବାକ୍ସ ଭିତରେ ଭର୍ତ୍ତି କରିଥିଲେ। ପାଖରେ ଥିବା ପୁଲିଂ କର୍ମଚାରୀ ତାହା ଠିକରେ ଗଲାକି ନାହିଁ ତାହା ତଦାରଖ କରିଥିଲେ। ବାଲଟ ପେପର ବାକ୍ସ ଭିତରକୁ ଯିବା ପରେ ପ୍ରମିଳା ସେହିଠାରେ ଛିଡା ହୋଇ ଭୋଟ ବାକ୍ସକୁ ମୁଣ୍ଡିଆ ମାରିଲେ। ଏହାପରେ ସେ ଟିକିଏ ପଛକୁ ଘୁଞ୍ଚି ଆଣ୍ଠୁମାଡି ତଳେ ମୁଣ୍ଡିଆ ମାରିଲେ। ଯାହାକୁ ନେଇ ବର୍ତ୍ତମାନ ରାଜ୍ୟ ରାଜନୀତିରେ ଚର୍ଚ୍ଚା ଚାଲିଛି।
