ବାରଣାସୀରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିପକ୍ଷରେ ପ୍ରତିଦ୍ବନ୍ଦିତା କରିବେ ଅଜୟ ରାୟ। ପୂର୍ବରୁ ଏହି ଆସନରୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଲଢିବା ନେଇ ପୂର୍ବାନୁମାନ ଲଗା ଯାଉଥିଲା। ମାତ୍ର ଆଜି କଂଗ୍ରେସ ପକ୍ଷରୁ ବାରଣାସୀ ଏବଂ ଗୋରଖପୁର ପାଇଁ ପ୍ରାର୍ଥୀ ତାଲିକା ଘୋଷଣା କରାଯିବା ସହ ଏହି ଚର୍ଚ୍ଚାରେ ପୂର୍ଣ୍ଣଛେଦ ପଡିଛି। ପୂର୍ବରୁ ପ୍ରିୟଙ୍କା ଏହି ଆସନରୁ ଲଢିବା ନେଇ ଇଚ୍ଛା ପ୍ରକାଶ କରିଥିଲେ ମଧ୍ୟ ଶେଷ ନିଷ୍ପତ୍ତି ଦଳ ଗ୍ରହଣ କରିବ ବୋଲି କହିଥିଲେ। କଂଗ୍ରେସ ପକ୍ଷରୁ ଅଜୟ ରାୟଙ୍କୁ ବାରଣାସୀରୁ ପ୍ରାର୍ଥୀ କରାଯାଇଥିବା ବେଳେ ଗୋରଖପୁରରୁ ମଧୁସୂଦନ ତିଓ୍ବାରୀଙ୍କୁ ଦଳ ପ୍ରାର୍ଥୀ କରିଛି। ଚଳିତ ବର୍ଷର ନିର୍ବାଚନ ପାଇଁ ପ୍ରଧାନମନ୍ତ୍ରୀ ମୋଦି ବିଜେପିର ପ୍ରାର୍ଥୀ ହୋଇଥିବା ବେଳେ ଅଜୟ ରାୟ କଂଗ୍ରେସରୁ ଏବଂ ଶାଳିନୀ ଯାଦବ ସମାଜବାଦୀ ପାର୍ଟି ପକ୍ଷରୁ ରଣାଙ୍ଗନରେ ଅବତୀର୍ଣ୍ଣ ହୋଇଛନ୍ତି। ଗତବର୍ଷ ମଧ୍ୟ ଅଜୟ ରାୟ ସମାନ ଆସନରୁ କଂଗ୍ରେସ ପ୍ରାର୍ଥୀ ରହିଥିଲେ।
congress leader ajay ray contest against modi in varanashi