ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ପଶ୍ଚିମବଙ୍ଗରେ ଏକ ନିର୍ବାଚନୀ ରାଲିରେ ତୃଣମୂଳକୁ କଡା ସମାଲୋଚନା କରିଛନ୍ତି। ଦୁର୍ନୀତିଗ୍ରସ୍ତ ଏବଂ ମାଫିଆ ଗୋଷ୍ଠୀଙ୍କ ତୁଷ୍ଟୀକରଣ ମମତା ବାନାର୍ଜୀ ସରକାରର ପ୍ରଥମ ଲକ୍ଷ୍ୟ ବୋଲି ସୀତାରମଣ କହିଛନ୍ତି। ମାଫିଆ ଗୋଷ୍ଠୀର ତୁଷ୍ଟିକରଣରେ ସରକାର ବ୍ୟସ୍ତ ରହୁଥିବାରୁ ରାଜ୍ୟରେ ପୋଲିସ ବିଭାଗ ପ୍ରଭାବହୀନ ହୋଇ ପଡିଛି। ଏଥିପାଇଁ ପଶ୍ଚିମବଙ୍ଗମରେ ନାରଦ-ଶାରଦା ପରି ଦୁର୍ନୀତି ଦେଖିବାକୁ ମିଳିଛି ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ। ସେହିପରି ତୃଣମୂଳର ତ ତୁଷ୍ଟିକରଣ ପାଇଁ ଉଦ୍ଦିଷ୍ଟ ବୋଲି କହିଛନ୍ତି ନିର୍ମଳା। ବିଜେପିର ମେଦିନିପୁର ଲୋକସଭା ପ୍ରାର୍ଥୀ ଦିଲ୍ଲୀପ କୁମାର ଘୋଷଙ୍କ ପାଇଁ ନିର୍ବାଚନ ପ୍ରଚାରରେ ତୃଣମୂଳକୁ ସମାଲୋଚନା କରିଛନ୍ତି ଏହି ରାଜ୍ୟସଭା ସାଂସଦ। ଉଲ୍ଲେଖଯୋଗ୍ୟ ଯେ, ପକଶ୍ଚିମବଙ୍ଗରେ ନିର୍ବାଚନ ୭ ଟି ପର୍ଯ୍ୟାୟରେ ଅନୁଷ୍ଠିତ ହେବାକୁ ଥିବା ବେଳେ ମେଦିନିପୁରରେ ମେ ୧୨ ତାରିଖରେ ନିର୍ବାଚନ ଅନୁଷ୍ଠିତ ହେବ।
nirmala sitharaman