ପାକିସ୍ତାନ ରାଷ୍ଟ୍ରପତି ଡ. ଆରିଫ୍ ଆଲ୍ଭି ପାକିସ୍ତାନକୁ ଶାନ୍ତିପ୍ରିୟ ରାଷ୍ଟ୍ର ବୋଲି ଅଭିହିତ କରିବା ସହିତ ଭାରତ ଆତଙ୍କବାଦର ପ୍ରଚାର କରୁଛି ବୋଲି ଅଭିଯୋଗ ଆଣିଛନ୍ତି। ବୁଧବାର ଇସଲାମାବାଦ ବିଶ୍ବବିଦ୍ୟାଳୟରେ ଏକ ସମାବର୍ତ୍ତନ ଉତ୍ସବରେ ଏହି ମନ୍ତବ୍ୟ ଦେଇଛନ୍ତି ଡ. ଅଲୀ। ସେ କହିଥିଲେ, ଧର୍ମାନ୍ଧତାକୁ ଦୂର କରିବା ପାଇଁ ପାକିସ୍ତାନର ଶତ ଚେଷ୍ଟା ସତ୍ତ୍ବେ ଭାରତ ଆତଙ୍କବାଦର ପ୍ରଚାର କରୁଛି। ସୀମାରେ ଭାରତର ଏପରି ବ୍ୟବହାରକୁ ନାପସନ୍ଦ କରିଛନ୍ତି ଆଲ୍ଭି। ଭାରତ ପାକିସ୍ତାନ ମଧ୍ୟରେ ନିକଟରେ ସୃଷ୍ଟି ହୋଇଥିବା ବିବାଦକୁ ନେଇ ଆଲ୍ଭି ଏହି ମତ ରଖିଛନ୍ତି। ଉଲ୍ଲେଖଯୋଗ୍ୟ ଯେ, ଗତ ଫେବୃୟାରୀରେ ପୁଲଓ୍ବାମାରେ ଆତଙ୍କବାଦୀ ଆକ୍ରମଣରେ ଭାରତର ୪୦ ଯବାନ ଶହିଦ ହେବା ପରେ ଭାରତ ପକ୍ଷରୁ ପାକିସ୍ତାନ ମାଟିରେ ଏୟାର ଷ୍ଟ୍ରାଇକ୍ କରାଯାଇଥିଲା। ଉଭୟ ଦେଶ ମଧ୍ୟରେ ସମ୍ପର୍କ ଭଲ ନଥିଲେ ମଧ୍ୟ ଭାରତର ଓ୍ବିଙ୍ଗ କମାଣ୍ଡରଙ୍କୁ ପାକ୍ ହସ୍ତାନ୍ତର ପାକ୍ର ବନ୍ଧୁତ୍ବପୂର୍ଣ୍ଣ ବ୍ୟବହାରର ଏକ ଉଦାହରଣ ବୋଲି ଆଲ୍ଭି କହିଥିଲେ।
