ନୂଆଦିଲ୍ଲୀ: ଲୋକସଭା ବାଚସ୍ପତି ଓମ ବିର୍ଲାଙ୍କ ସହ ସାକ୍ଷାତ କରି ସମାଜବାଦୀ ପାର୍ଟିର ସଭାପତି ଅଖିଳେଶ ଯାଦବ ଆଜି ସଂସଦ ସଦସ୍ୟତାରୁ ଇସ୍ତଫା ଦେଇଛନ୍ତି। ସେ ଆଜମଗଡରୁ ୨୦୧୯ ରେ ଲୋକସଭା ନିର୍ବାଚନରେ ଜିତି ସଂସଦରେ ପହଞ୍ଚିଥିଲେ। ଏହା ସହିତ ଦଳର ନେତା ଆଜାମ ଖାନ ମଧ୍ୟ ସଂସଦର ସଦସ୍ୟତାରୁ ଇସ୍ତଫା ଦେଇଛନ୍ତି। ଅଖିଳେଶ ଯାଦବ ପ୍ରଥମ ଥର ପାଇଁ କରହଲ ଆସନରୁ ୟୁପି ବିଧାନସଭା ନିର୍ବାଚନରେ ଭାଗ୍ୟ ପରୀକ୍ଷା କରିଥିଲେ। ବର୍ତ୍ତମାନ ସେ ଲୋକସଭା ସଦସ୍ୟତା ପଦରୁ ଇସ୍ତଫା ଦେଇ ବିଧାନସଭାରେ ବିରୋଧୀଙ୍କ ଭୂମିକା ଗ୍ରହଣ କରିବାକୁ ନିଷ୍ପତ୍ତି ନେଇଛନ୍ତି।
ଉଲ୍ଲେଖନୀୟ କଥା ହେଉଛି, ଅଖିଳେଶ ଯାଦବ ତାଙ୍କ ପ୍ରତିଦ୍ୱନ୍ଦ୍ୱୀ ଭାରତୀୟ ଜନତା ପାର୍ଟି ପ୍ରାର୍ଥୀଙ୍କୁ କରହଲ ଆସନରେ ୬୭ ହଜାର ୫୦୪ ଭୋଟରେ ପରାସ୍ତ କରିଛନ୍ତି। ଅଖିଳେଶଙ୍କ ବିରୋଧରେ ବିଜେପି କରହଲ ଆସନରୁ କେନ୍ଦ୍ର ମନ୍ତ୍ରୀ ଏସପି ବଘେଲଙ୍କୁ ମୈଦାନକୁ ଓହ୍ଲାଇଥିଲା। ତାଙ୍କୁ ୮୦ ହଜାର ୬୯୨ ଭୋଟ୍ ମିଳିଥିଲା। କରହଲ ଆସନ ସମାଜବାଦୀ ପାର୍ଟିର ଏକ ଦୁର୍ଗ ବୋଲି ବିବେଚନା କରାଯାଏ।