ହରିପୁର ଗ୍ରାମ ଏବଂ ଅରଗୁଳ ଷ୍ଟେସନ୍ ମଧ୍ୟରେ ରେଳ ଲାଇନ ଯାଞ୍ଚ କଲେ ରେଳ ସୁରକ୍ଷା କମିଶନର

ଭୁବନେଶ୍ବର: ଦକ୍ଷିଣ ପୂର୍ବ ସର୍କଲ, କୋଲକାତାର ରେଳ ସୁରକ୍ଷା କମିଶନର (CRS) ଶୁଭମୟ ମିତ୍ର ଆଜି ହରିପୁର ଗ୍ରାମ ଏବଂ ଅରଗୁଳ ଷ୍ଟେସନ୍ ମଧ୍ୟରେ ୩.୦୯୯ କିଲୋମିଟର ଦୈର୍ଘ୍ୟ ରେଳ ଲାଇନ ଯାଞ୍ଚ କରିଛନ୍ତି।

ଏହି ଗୁରୁତ୍ୱପୂର୍ଣ୍ଣ ପ୍ରକଳ୍ପର ନିର୍ମାଣ କାର୍ଯ୍ୟ ଶେଷ ହୋଇଛି ଏବଂ ରେଳ ସୁରକ୍ଷା ଆୟୁକ୍ତଙ୍କ ମଞ୍ଜୁର ପରେ ଏହା କାର୍ଯ୍ୟକ୍ଷମ ହେବ। ଟ୍ରେନ୍ ଯାତାୟାତ ପାଇଁ ରେଳ ସୁରକ୍ଷା ଆୟୁକ୍ତଙ୍କ ମଞ୍ଜୁର ପରେ ଏହି ମାର୍ଗରେ ଟ୍ରେନ୍ ଚଳାଚଳକୁ ଅନୁମତି ଦିଆଯିବ।

ରେଳ ସୁରକ୍ଷା ଆୟୁକ୍ତ ହରିପୁର ଗ୍ରାମ ଏବଂ ଅରଗୁଳ ଷ୍ଟେସନ ମଧ୍ୟରେ ଥିବା ସମସ୍ତ ସୁରକ୍ଷା ସମ୍ବନ୍ଧୀୟ କାର୍ଯ୍ୟକୁ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରିଛନ୍ତି। ଟ୍ରେନ୍ ଚଳାଚଳ ପାଇଁ ଟ୍ରେନ୍ ଲାଇନର ସମ୍ଭାବ୍ୟତା ମାପିବା ପାଇଁ ଦୁଇଟି ଷ୍ଟେସନ୍ ମଧ୍ୟରେ ଏକ ଲାଇଟ ଟ୍ରେନ ଇଞ୍ଜିନ ମଧ୍ୟ ଚଳାଚଳ କରାଯାଇଥିଲା।

ଏହି ପ୍ରକଳ୍ପ କାର୍ଯ୍ୟକ୍ଷମ ହେଲେ ଏହି ଅଞ୍ଚଳର ବିକାଶ ଦିଗରେ ଏକ ଆଖିଦୃଶିଆ ସୁଫଳ ଅଛି। ବାଇପାସ୍ ରେଳ ଲାଇନ ଖୋର୍ଦ୍ଧା ରୋଡ଼- ବିଜୟନଗରମ ମାର୍ଗରେ ଟ୍ରେନ ଯାତାୟାତ ସମୟରେ ହ୍ରାସ କରିବାରେ ସକ୍ଷମ ହେବ। ଏହା ମଧ୍ୟ ଟ୍ରେନ୍ ଯାତାୟାତର ପରିମାଣକୁ ବୃଦ୍ଧି କରାଇବ।

ଟ୍ରେନ୍ ଗୁଡିକ ଠିକ୍ ସମୟରେ ଚଳାଚଳ କରାଇବା ପାଇଁ ଖୋର୍ଦ୍ଧା ରୋଡ଼ ଠାରେ ବାଇପାସ୍ ରେଳ ଲାଇନ ନିର୍ମାଣ ଏକ ଆବଶ୍ୟକତା ଥିଲା। ଆହୁରି ମଧ୍ୟ, ରେଳ ସଂଯୋଗର ଦକ୍ଷତା ଏବଂ କ୍ଷମତା ବୃଦ୍ଧି ଏବଂ ସ୍ଥାନୀୟ ଅଞ୍ଚଳରେ ସଡକ ଯାତାୟାତ ମଧ୍ୟ ଏହି ପ୍ରକଳ୍ପ ହ୍ରାସ କରାଇବ। ଏହାଦ୍ୱାରା ଯାତ୍ରା ସମୟ, ଯାନର ଚାଳନା ମୂଲ୍ୟ, ଇନ୍ଧନ ବ୍ୟବହାର, ବାୟୁ ପ୍ରଦୂଷଣ, ଦୁର୍ଘଟଣା ଏବଂ ସଡକ ରକ୍ଷଣାବେକ୍ଷଣ ମୂଲ୍ୟରେ ମଧ୍ୟ ହ୍ରାସ ପାଇବ। ବର୍ଦ୍ଧିତ ଗତିଶୀଳତା ଏବଂ ଉନ୍ନତ ଅଭିଗମ୍ୟତା ମଧ୍ୟ ସ୍ଥାନୀୟ ଲୋକମାନଙ୍କୁ ରେଳ ଲାଇନ ନିକଟରେ ବ୍ୟବସାୟର ସୁଯୋଗ ସୃଷ୍ଟି କରାଇବ।

ଇଞ୍ଜିନ ଅଦଳ ବଦଳ ହେତୁ ପୁରୀରୁ ଦକ୍ଷିଣ ଦିଗକୁ ଯାଉଥିବା ଟ୍ରେନଗୁଡିକ ଖୋର୍ଦ୍ଧା ରୋଡ ରେଳ ଷ୍ଟେସନରେ ବିଳମ୍ବ ହେବ ସହିତ ଷ୍ଟେସନରେ ଅନେକ ଲାଇନକୁ ଅବରୋଧ କରିଥାଏ ଯାହାକି ଅନ୍ୟ ଟ୍ରେନର ଚଳାଚଳରେ ବିଳମ୍ବ କରିଥାଏ। ଏହି ପ୍ରକଳ୍ପର କାର୍ଯ୍ୟକ୍ଷମ ହେବା ପରେ ଦକ୍ଷିଣ ଦିଗରୁ ପୁରୀକୁ ଯିବା ଆସିବା କରୁଥିବା ଟ୍ରେନ ଗୁଡିକ ସୁବିଧାରେ କୌଣସି ପ୍ରତିବନ୍ଧ ବ୍ୟତୀତ ଚଳାଚଳ କରିବ।

ଏହାଦ୍ୱାରା ଯାତ୍ରୀମାନଙ୍କ ଭାବନାକୁ ପ୍ରଭାବିତ ନକରି ଖୋର୍ଦ୍ଧା ରୋଡ୍ ରେଳ ଷ୍ଟେସନରେ ଟ୍ରେନ୍ ଯାତାୟାତ କ୍ଷମତା ମଧ୍ୟ ହ୍ରାସ ପାଇବ। ଅରଗୁଳ ଷ୍ଟେସନକୁ ସଂଯୋଗ କରୁଥିବା ଏହି ବାଇପାସ୍ ଲାଇନ (ହାଓଡ଼ା-ଚେନ୍ନାଇ ମେନ୍ ଲାଇନର ଖୋର୍ଦ୍ଧା ରୋଡ୍ ଷ୍ଟେସନର ଦକ୍ଷିଣ ପାର୍ଶ୍ୱରେ ଥିବା) ଏବଂ ହରିପୁର ଗ୍ରାମ ଷ୍ଟେସନ୍ (ଖୋର୍ଦ୍ଧା ରୋଡ୍-ପୁରୀ ଶାଖା ଲାଇନର ଖୋର୍ଦ୍ଧା ରୋଡ୍ ଷ୍ଟେସନର ଦକ୍ଷିଣ ପୂର୍ବ ପାର୍ଶ୍ୱରେ ଥିବା) ଉଭୟ ଷ୍ଟେସନ ସ୍ଥାନୀୟ ଅଞ୍ଚଳର ବିସ୍ତାରରେ ଅନ୍ତର୍ଭୁକ୍ତ। ଖୋର୍ଦ୍ଧା ରୋଡ୍ (ଜଟଣୀ ଅଞ୍ଚଳ) ରେ ଏହି ପ୍ରକଳ୍ପର କାର୍ଯ୍ୟ ଆରମ୍ଭ ହେବା ପରେ ପୁରୀ-ଚେନ୍ନାଇ ମାର୍ଗରେ ଟ୍ରେନ୍ ସମୟ ପ୍ରାୟ ଅଧଘଣ୍ଟା ହ୍ରାସ ପାଇବ।

ପୂର୍ବତଟ ରେଳପଥର ମୁଖ୍ୟ ପ୍ରଶାସନିକ ଅଧିକାରୀ (ନିର୍ମାଣ) ଡି.ପି.ଲାଲ, ଖୋର୍ଦ୍ଧା ରୋଡ଼ ରେଳମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ରୀଙ୍କେଶ ରାୟ, ରେଳ ବିକାଶ ନିଗମ ଲିମିଟେଡ଼ (ଆରଭିଏନଏଲ) ର ମୁଖ୍ୟ ପ୍ରକଳ୍ପ ପ୍ରବନ୍ଧକ ଏ.କେ.ସାମଲ ପ୍ରମୁଖ ଶ୍ରୀ ମିତ୍ରଙ୍କୁ ଏହି ନିରୀକ୍ଷଣ କାର୍ଯ୍ୟକ୍ରମରେ ସହାୟତା କରିଥିଲେ।