ଜଙ୍କିଆ: ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। କୃଷ୍ଣପୁର ନିକଟସ୍ଥ ମଲାଗୁଣି ନଦୀରେ ଭାସମାନ ଅବସ୍ଥାରେ ମହିଳାଙ୍କ ଶବ ଉଦ୍ଧାର କରାଯାଇଛି। ତେବେ ମୃତ ମହିଳାଙ୍କ ପରିଚୟ ମିଳିଥିବା ବେଳେ ତାଙ୍କ ନାମ ମମତା ସୁନ୍ଦରାୟ (୪୦ ବର୍ଷ) ବୋଲି ଜଣାପଡିଛି। ଶୌଚ ହେବାକୁ ଯାଇଥିଵା ବେଳେ ମହିଳାଙ୍କ ଗୋଡ ଖସି ଯିବାରୁ ତାଙ୍କର ମୃତ୍ୟୁ ହୋଇଥିଵା ସନ୍ଦେହ କରାଯାଉଛି। ହେଲେ ଜଙ୍କିଆ ଥାନା ଆଇଆଇସି ଦିଗବିଜୟ ବିଶ୍ୱାଳ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଥିବା ବେଳେ ସାଇଣ୍ଟିଫିକ୍ ଟିମ୍ କୁ ଡକାଇଥିବାର ସୂଚନା ରହିଛି।
