ବାତ୍ୟା ଫୋନିକୁ ନେଇ ସାରା ରାଜ୍ୟରେ ପାଣିପାଗ ବିଜ୍ଞାନ ବିଭାଗ ପକ୍ଷରୁ ସତର୍କ ସୂଚନା ଦେଇଥିବାବେଳେ, ଏପଟେ ରାଜ୍ୟର ପ୍ରଚଣ୍ଡ ଗ୍ରୀଷ୍ମ ପ୍ରଭାବ ଓଡିଶାବାସୀଙ୍କୁ ଅସହ୍ୟ କରିଦେଇଛି। ରାଜ୍ୟର ୧୩ଟି ସହରର ତାପମାତ୍ରା ୪୦ଡିଗ୍ରୀ ଅତିକ୍ରମ କରିସାରିଛି। ଏହି ପ୍ରଚଣ୍ଡ ତାତିରେ ଲୋକେ ଡହଳବିକଳ ହେଉଛନ୍ତି। ଆଜିର ସର୍ବାଧିକ ଗ୍ରୀଷ୍ମପ୍ରଭାବ ଝାରସୁଗୁଡା ସହରରେ ଅନୁଭୂତ ହୋଇଛି। ଏହି ସହରର ତାପମାତ୍ରା ସର୍ବାଧିକ ୪୪.୬ ଡିଗ୍ରୀ ରହିଥିଲା। ସେହିପରି ଟିଟିଲାଗଡର ତାପମାତ୍ରା ୪୪.୫, ଅନୁଗୁଳ- ୪୩.୭, ତାଳଚେର-୪୩.୬, ସୋନପୁର-୪୩.୨, ସମ୍ବଲପୁର-୪୩, ହୀରାକୁଦ-୪୨.୧ ରହିଥିଲା। ଏବଂ ଭବାନୀପାଟଣା, ମାଲକାନଗିରି ଓ ବଲାଙ୍ଗିରର ତାପମାତ୍ରା ୪୨ ଡିଗ୍ରୀ ଥିଲା। ଏପଟେ ଟ୍ଵିନ ସିଟି ଭୁବନେଶ୍ବର ଏବଂ କଟକର ତାପମାତ୍ରା ଯଥାକ୍ରମେ ୩୮.୭ ଏବଂ ୩୯.୪ ଡିଗ୍ରୀ ରହିଥିଲା।