ଆଫ୍ରିକାର ବୁର୍କିନା ଫାସୋରେ ଏକ ଚର୍ଚ୍ଚ ଉପରେ ବନ୍ଧୁକଧାରୀ ଆତତାୟୀ ଆକ୍ରମଣ କରିବା ଫଳରେ ୬ଜଣଙ୍କ ପ୍ରାଣହାନି ଘଟିଛି । ମୃତକଙ୍କ ମଧ୍ୟରେ ଜଣେ ପାଷ୍ଟର ରହିଛନ୍ତି । ରବିବାର ରାତି ଗୋଟିଏରେ କିଛି ଅଜଣା ଆତତାୟୀ ଏକ ବାଇକ୍ ଯୋଗେ ଆସି ଆଖିବୁଜା ଗୁଳିଚାଳନା କରିଥିଲେ । ପାଷ୍ଟର ଏବଂ କିଛି ଭକ୍ତ ଚର୍ଚ୍ଚରୁ ଫେରୁଥିବା ସମୟରେ ଏହି ଆକ୍ରମଣ ଘଟିଥିଲା । ଏହି ଘଟଣାରେ୬ ଜଣଙ୍କ ମୃତ୍ୟୁ ଘଟିଥିବା ବେଳେ୧୦ରୁ ଅଧିକ ଆହତ ହୋଇଛନ୍ତି । ଶ୍ରୀଲଙ୍କା ବୋମା ବିସ୍ଫୋରଣର ଏକ ସପ୍ତାହ ପରେ ଚର୍ଚ୍ଚ ଉପରେ ଏହା ଦ୍ବିତୀୟ ଆକ୍ରମଣ ହୋଇଥିବା ବେଳେ ଏନେଇ କୌଣସି ସଙ୍ଗଠନ ନିଜକୁ ଦାୟୀ କରିନାହାନ୍ତି । ଆହତ ମାନଙ୍କ ମଧ୍ୟରୁ ଦୁଇ ଜଣ ଗୁରୁତର ଥିବାରୁ ମୃତ୍ୟୁ ସଂଖ୍ୟା ବଢିବାର ଆଶଙ୍କା ଦେଖାଦେଇଛି ।
Tags:
