![](https://thesamikhsya.com/odia/wp-content/uploads/2022/05/Badrinath-1200x771.jpg)
ଉତ୍ତରାଖଣ୍ଡ : ଆଜି ବଦ୍ରିନାଥ ଧାମର ଦ୍ବାର ଭକ୍ତମାନଙ୍କ ପାଇଁ ଖୋଲା ଯାଇଛି। ପାରମ୍ପାରିକ ରୀତିନୀତି ସହିତ ଭକ୍ତମାନଙ୍କ ପାଇଁ କବାଟ ଖୋଲା ଯାଇଥିଲା। ବଦ୍ରିନାଥ ଧାମରେ ବହୁ ସଂଖ୍ୟାରେ ଭକ୍ତଙ୍କ ଗହଣରେ ସେନା ବ୍ୟାଣ୍ଡର ସ୍ୱର ମଧ୍ୟରେ ମନ୍ତ୍ର ଜପ କରାଯାଇଥିଲା। ଏହି ପବିତ୍ର ଦିନ ପାଇଁ ମନ୍ଦିରକୁ ଫୁଲ ଏବଂ ଆଲୋକରେ ମଧ୍ୟ ସଜାଯାଇଛି।
ଅଳକାନନ୍ଦା ନଦୀ କୂଳରେ ଚାମୋଲି ଜିଲ୍ଲାର ଗରୱାଲ ପାହାଡରେ ଅବସ୍ଥିତ ହେଉଛି ଏହି ମନ୍ଦିର। ବଦ୍ରିନାଥ ମନ୍ଦିର ହେଉଛି ଭଗବାନ ବିଷ୍ଣୁଙ୍କ ମନ୍ଦିର। ଏହା ଚାରିଟି ପ୍ରାଚୀନ ତୀର୍ଥସ୍ଥାନ ମଧ୍ୟରୁ ଗୋଟିଏ । ‘ଚାର୍ ଧାମ’ ଯାହାକୁ ଯମୁନେତ୍ରୀ, ଗଙ୍ଗୋତ୍ରୀ, ବଦ୍ରିନାଥ ଏବଂ କେଦାରନାଥଙ୍କୁ ଅନ୍ତର୍ଭୁକ୍ତ କରାଯାଇଛି। ଏହା ଉତ୍ତରାଖଣ୍ଡର ବଦ୍ରିନାଥ ସହରରେ ଅବସ୍ଥିତ। ଏହା ପ୍ରତିବର୍ଷ ଛଅ ମାସ ପାଇଁ ଖୋଲା ଯାଇଥାଏ।
ଗତ ଶୁକ୍ରବାର ସକାଳେ ଅନ୍ୟତମ କେଦାରନାଥ ମନ୍ଦିର ତୀର୍ଥଯାତ୍ରୀମାନଙ୍କ ପାଇଁ ଦ୍ୱାର ଖୋଲାଯାଇଛି। ବାର୍ଷିକ ଚାରିଧାମ ଯାତ୍ରା ଅକ୍ଷୟ ତୃତୀୟାର ଶୁଭ ଅବସରରେ ଉତ୍ତରପ୍ରଦେଶ ଜିଲ୍ଲାର ଗଙ୍ଗୋତ୍ରି ଏବଂ ଯମୁନେତ୍ରୀ ମନ୍ଦିରର ଦ୍ବାର ଖୋଲିବା ଆରମ୍ଭ ହୋଇଥିଲା।
ଏହି ମାସ ଆରମ୍ଭରେ, ରାଜ୍ୟ ସରକାର ଚାର ଧାମ ପରିଦର୍ଶନ କରୁଥିବା ତୀର୍ଥଯାତ୍ରୀଙ୍କ ସଂଖ୍ୟାକୁ ନିୟନ୍ତ୍ରିତ କରିଦେଇଛନ୍ତି। ବଦ୍ରିନାଥରେ ଦୈନିକ ମୋଟ 15,000 ତୀର୍ଥଯାତ୍ରୀ, କେଦାରନାଥରେ 12,000, ଗଙ୍ଗୋତ୍ରୀରେ 7,000 ଏବଂ ଯମୁନେତ୍ରୀରେ 4,000 ତୀର୍ଥଯାତ୍ରୀଙ୍କୁ ଅନୁମତି ଦିଆଯିବାର ବ୍ୟବସ୍ଥା କରାଯାଇଛି।