ନୂଆଦିଲ୍ଲୀ: ଚୀନ ନାଗରିକମାନଙ୍କୁ ଦିଆଯାଇଥିବା ଭିସା ମାମଲାରେ କଂଗ୍ରେସ ନେତା କିର୍ତ୍ତି ଚିଦାମ୍ବରମ ଏବଂ ତାଙ୍କ ପିତା ପୂର୍ବତନ କେନ୍ଦ୍ର ମନ୍ତ୍ରୀ ପି ଚିଦାମ୍ବରମଙ୍କ ନଅଟି ସ୍ଥାନରେ ସିବିଆଇ ଚଢାଉ କରିଛି। ଏହି ଚଢାଉ ଆଜି ସକାଳ ଆଠଟାରୁ ଆରମ୍ଭ ହୋଇ ଜାରି ରହିଛି। ଚିଦାମ୍ବରମଙ୍କ ଘରେ ଥିବା ଲୋକଙ୍କ ବିବୃତ୍ତି ମଧ୍ୟ ସିବିଆଇ ରେକର୍ଡ କରୁଛି।
ସୂଚନାନୁସାରେ ସିବିଆଇ ଓଡିଶା, କର୍ଣ୍ଣାଟକ, ମୁମ୍ବାଇ, ଦିଲ୍ଲୀ ଏବଂ ଚେନ୍ନାଇରେ ଚଢାଉ କରୁଛି। ଏକ ସୂତ୍ରରୁ ପ୍ରକାଶ ଯେ, ଏହି ନୂଆ ମାମଲାରେ ଯେଉଁ ଚଢାଉ କରାଯାଉଛି, ତାହା ବିଦେଶୀ ଟଙ୍କା ଏବଂ କମ୍ପାନୀଗୁଡ଼ିକ ସମ୍ବନ୍ଧୀୟ ରହିଛି। ଏହି କାରବାର 2010-2014 ରେ କରାଯାଇଥିଲା। ଏହି ଅବଧି ମଧ୍ୟରେ ଚିଦାମ୍ବରମ୍ କିମ୍ବା ତାଙ୍କ ନିର୍ଦ୍ଦେଶରେ ଟଙ୍କା ଗ୍ରହଣ କରାଯାଇ ବିଦେଶକୁ ପଠାଯାଇଥିଲା।
ଅଭିଯୋଗ ହୋଇଛି ଯେ ବରିଷ୍ଠ ନେତା ଚିଦାମ୍ବରମ୍ ଚାଇନାର ନାଗରିକମାନଙ୍କୁ ନିୟମ ପ୍ରଣୟନ କରି ଭିସା ଦେବାରେ ସାହାଯ୍ୟ କରିଛନ୍ତି। ପଞ୍ଜାବରେ ଏକ ପ୍ରକଳ୍ପ ଚାଲିଥିଲା ଯେଉଁଥିପାଇଁ ଚିଦାମ୍ବରମ୍ ସେମାନକୁ ଭିସା ଦେବାରେ ସାହାଯ୍ୟ କରିଥିଲେ।
