କାଳୁପଡା ଘାଟ: ଆଜି ଖୋର୍ଦ୍ଧା ରେଳ ଡିଭିଜନ ଅନ୍ତର୍ଗତ କାଳୁପଡା ଘାଟ ରେଳ ଷ୍ଟେସନ ନିକଟରେ କୋଇଲା ବୋଝେଇ ଟ୍ରେନରେ ଅଗ୍ନିକାଣ୍ଡ ଘଟିଯାଇଛି। କିନ୍ତୁ କିଛି ଅଘଟଣ ଘଟିବା ପୂର୍ବରୁ ଟାଙ୍ଗୀ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିପାରିଛି।
ସୂଚନା ଅନୁଯାୟୀ, ପାରାଦ୍ୱୀପରୁ ବିଶାଖାପାଟନମ୍ ଯାଉଥିବା ଏକ କୋଇଲା ବୋଝେଇ ଟ୍ରେନ୍ ରେ କୌଣସି ଏକ କାରଣରୁ ନିଆଁ ଲାଗିଯାଇଥିଲା। କାଳୁପଡା ଘାଟ ରେଳ ଷ୍ଟେସନ ନିକଟରେ ଗାଡିଟିକୁ ରୋକାଯାଇଥିଲା। କୋଇଲା ବୋଝେଇ ବଗିରୁ ପ୍ରବଳ ଧୂଆଁ ବାହାରୁଥିବା ବେଳେ ଅଗ୍ନିଶମବାହିନୀ ପକ୍ଷରୁ ପାଣି ମାଡ କରି ନିଆଁକୁ ଆୟତ୍ତ କରାଯାଇଥିଲା। ଫଳରେ ଏକ ବଡ ଅଘଟଣ ଟଳି ଯାଇଥିଲା।
