ମୁମ୍ବାଇ: ଆଜି ଆସ୍ଥା ଭୋଟ୍ ରେ ଏକନାଥ ସିନ୍ଦେ ସରକାର ସଂଖ୍ୟାଗରିଷ୍ଠତା ପ୍ରମାଣ କରିଛି। ବିଧାନସଭାରେ ୧୬୪ ଜଣ ବିଧାୟକ ସମର୍ଥନ କରିଥିବା ସୂଚନା ରହିଛି। ଏହି ସମୟରେ ବାଚସ୍ପତିଙ୍କ ଭୋଟ୍ ଗଣନା କରାଯାଇ ନଥିଲା, ନଚେତ୍ ଏହି ଭୋଟ୍ ସଂଖ୍ୟା ୧୬୫ ହୋଇଥାନ୍ତା। ଏବେ ବିରୋଧୀ ଦଳରେ ମତଦାନ ଆରମ୍ଭ ହୋଇଛି।
ମହାରାଷ୍ଟ୍ରରେ ଆସ୍ଥା ଭୋଟ୍ ଉପରେ ମତଦାନ ଚାଲିଛି। ନୂତନ ବିଦ୍ରୋହୀ ସନ୍ତୋଷ ବାଙ୍ଗର ମଧ୍ୟ ସିନ୍ଦେ ସରକାରଙ୍କୁ ସମର୍ଥନ କରି ଭୋଟ୍ ଦେଇଛନ୍ତି। ୫ କଂଗ୍ରେସ ବିଧାୟକ ଅନୁପସ୍ଥିତ ଅଛନ୍ତି।
ଉଲ୍ଲେଖ ଯୋଗ୍ୟ ଯେ, ମହାରାଷ୍ଟ୍ର ବିଧାନସଭାରେ ମୋଟ ସଦସ୍ୟଙ୍କ ସଂଖ୍ୟା ୨୮୮ ରହିଛି। ସେଥିପାଇଁ ସିନ୍ଦେ ସରକାରକୁ ସଂଖ୍ୟା ଗରିଷ୍ଠତା ପାଇଁ ୧୪୪ ଜଣ ବିଧାୟକଙ୍କ ସମର୍ଥନ ଆବଶ୍ୟକ ଥିଲା। କିନ୍ତୁ ବର୍ତ୍ତମାନ ସୂଚନା ଅନୁଯାୟୀ, ସିନ୍ଦେ ସରକାରକୁ ୧୬୪ ଖଣ୍ଡ ଭୋଟ ମିଳିଛି।