ନୂଆଦିଲ୍ଲୀ: ଶେଷରେ ଜୀ ନ୍ୟୁଜ ଆଙ୍କର ରୋହିତ ରଂଜନଙ୍କୁ ରାହୁଳ ଗାନ୍ଧୀଙ୍କ ବିରୋଧରେ କହିବା ମହଙ୍ଗା ପଡିଛି। ଆଜି ତାଙ୍କୁ ଗିରଫ କରିବା ପାଇଁ ଛତିଶଗଡ ପୋଲିସ ତାଙ୍କ ଗାଜିଆବାଦ ବାସଭବନକୁ ଆସିଥିଲେ। ତେବେ ଏ ଖବର ପାଇ ରୋହିତ ଉତ୍ତର ପ୍ରଦେଶ ପୋଲିସକୁ ଖବର ଦେବା ସହିତ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଟୁଇଟ କରିଥିଲେ।
ଆଜି ଭୋର 5ଟା ବେଳେ ଛତିଶଗଡ ପୋଲିସ ତାଙ୍କ ବାସଭବନରେ ପହଞ୍ଚି ଗିରଫ କରିବା ବେଳକୁ ଉତ୍ତର ପ୍ରଦେଶ ପୋଲିସ ସେଠାରେ ପହଞ୍ଚିଥିଲେ। ସ୍ଥାନୀୟ ପୋଲିସକୁ ନ ଜଣାଇ କିପରି ଗରିଫ କରିବାକୁ ଆସିଛ ବୋଲି ଦୁଇ ରାଜ୍ୟ ପୋଲିସ ମୁହାଁମୁହିଁ ହୋଇଥିଲେ। ଏହାପରେ ରୋହିତଙ୍କୁ ଉତ୍ତର ପ୍ରଦେଶ ପୋଲିସ ନିଜ ଥାନାକୁ ନେଇ ସେଠାରେ ଅଟକ ରଖିଛି।