ନୂଆଦିଲ୍ଲୀ: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଏକ ଚିଠି ଲେଖିଛନ୍ତି କଂଗ୍ରେସ ସାଂସଦ ଅଧୀର ରଂଜନ ଚୌଧୁରୀ। ସେ ଏହି ଚିଠିରେ କ୍ଷମା ପ୍ରାର୍ଥନା କରିଛନ୍ତି। ସେ ଲେଖିଛନ୍ତି ଯେ, ଏହା ଭୁଲରେ ପାଟିରୁ ବାହାରି ଗଲା। ଏଥିପାଇଁ ମୁଁ ଦୁଃଖିତ ବୋଲି ସେ ସେହି ଚିଠିରେ ଉଲ୍ଲେଖ କରିଛନ୍ତି। ଏହି ଭୁଲ ପାଇଁ ମୁଁ କ୍ଷମା ପ୍ରାର୍ଥନା କରୁଛି ବୋଲି ଅଧୀର ରଂଜନ କହିଛନ୍ତି।
ଅଧୀର ରଂଜନ ରାଷ୍ଟ୍ରପତିଙ୍କୁ ରାଷ୍ଟ୍ରପତ୍ନୀ ବୋଲି ସମ୍ବୋଧିତ କରିଥିଲେ। ଯାହାକୁ ନେଇ ସଂସଦର ଉଭୟ ଗୃହରେ ହାଙ୍ଗାମା ହୋଇଥିଲା। ବିଜେପିର ସମସ୍ତ ମହିଳା ସଦସ୍ୟା ଏହାକୁ ନେଇ ସୋନିଆ କ୍ଷମା ମାଗନ୍ତୁ ବୋଲି ଦାବୀ କରିଥିଲେ। ପରବର୍ତ୍ତି ସମୟରେ ଅଧୀର ରଂଜନ କ୍ଷମା ମାଗିଥିଲେ।
