ନୂଆଦିଲ୍ଲୀ: ଆଜି ଲାଲ କିଲ୍ଲାରେ ପ୍ରଧାନମନ୍ତ୍ରୀ ମୋଦୀ ଦୁର୍ନୀତି ଏବଂ ପରିବାରବାଦ ବିରୋଧରେ ନିର୍ଣ୍ଣାୟକ ଲଢେଇ ପାଇଁ ଆହ୍ଵାନ କରିଛନ୍ତି। ଏହାପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଂଗ୍ରେସ ଆକ୍ରମଣ କରିଛି। ମନ୍ତ୍ରୀ ଏବଂ ସେମାନଙ୍କ ପୁଅମାନଙ୍କ ଉପରେ ପ୍ରଧାନମନ୍ତ୍ରୀ ମୋଦୀ ନିଜେ ଆକ୍ରମଣ କରିଛନ୍ତି ବୋଲି କଂଗ୍ରେସ ଦାବି କରିଛି। ଦଳର ଗଣମାଧ୍ୟମ ତଥା ପ୍ରଚାର ପ୍ରସାର ମୁଖ୍ୟ ପୱନ ଖେଡା ଏହା ମଧ୍ୟ କହିଛନ୍ତି ଯେ, ଆଜି ପ୍ରଧାନମନ୍ତ୍ରୀ ଆଠ ବର୍ଷର ରିପୋର୍ଟ କାର୍ଡ ଦେବେ ବୋଲି ଲୋକମାନେ ଆଶା କରୁଥିଲେ, କିନ୍ତୁ ତାଙ୍କ ଅଭିଭାଷଣ ନିରାଶର ହାତ ଲାଗଛି। ଖେଡା ଗଣମାଧ୍ୟମକୁ କହିଛନ୍ତି ଯେ, “ଆଜିର ଦିନରେ ରାଜନୈତିକ ହେବା ଉଚିତ୍ ନୁହେଁ। କିନ୍ତୁ କିଛି ପରମ୍ପରା ବଦଳାଯାଉଛି ଏବଂ ଏହା ହିଁ ପ୍ରଧାନମନ୍ତ୍ରୀ କରିଛନ୍ତି। ଗତ ଆଠ ବର୍ଷ ଧରି ପ୍ରଧାନମନ୍ତ୍ରୀ ନିଜ ଶବ୍ଦର ଶିକାର ହେଉଛନ୍ତି ଏବଂ ସେ ବହୁତ କ୍ଳାନ୍ତ ଦେଖାଯାଉଛନ୍ତି। କୌଣସି ଭାବନା ନାହିଁ, ହୃଦୟରେ କୌଣସି ଉତ୍ସାହ ଏବଂ ଉଦ୍ଦୀପନା ନାହିଁ। କାରଣ ସେ ଦେଇଥିବା ପ୍ରତିଶ୍ରୁତି ହିଁ ତାଙ୍କୁ ନିଶ୍ଚିତ ଭାବରେ ଅସ୍ତବ୍ୟସ୍ତ କରୁଥିବ।
ଖେଡା ପଚାରିଥିଲେ, କୃଷକଙ୍କ ଆୟ ଦ୍ୱିଗୁଣିତ କରିବାର ପ୍ରତିଶୃତି କୁଆଡେ ଗଲା? ସମସ୍ତଙ୍କୁ ଘର ଦେବାର ପ୍ରତିଶୃତି କୁଆଡେ ଗଲା? କଳା ଟଙ୍କା ଫେରାଇବାର ପ୍ରତିଶୃତି କୁଆଡେ ଗଲା? ରୋଜଗାର ଏବଂ ୧୫ ଲକ୍ଷ ଟଙ୍କା ଯୋଗାଇଦେବା ପ୍ରତିଶ୍ରୁତି ସହିତ କ’ଣ ହେଲା?
ସେ ଏହା ମଧ୍ୟ କହିଛନ୍ତି ଯେ, ପ୍ରଧାନମନ୍ତ୍ରୀ ନିଜ ମନ୍ତ୍ରୀଙ୍କ ଉପରେ ଆକ୍ରମଣ କରିଛନ୍ତି। ସେ ହୁଏତ ଗୃହମନ୍ତ୍ରୀଙ୍କ ପୁଅ ଉପରେ ଆକ୍ରମଣ କରିଛନ୍ତି, ପ୍ରତିରକ୍ଷା ମନ୍ତ୍ରୀଙ୍କ ପୁଅ ଉପରେ ଆକ୍ରମଣ କରିଛନ୍ତି କିମ୍ବା ଅନ୍ୟ କାହା ଉପରେ ଆକ୍ରମଣ କରିଛନ୍ତି। ସ୍ୱାଧୀନତା ଦିବସରେ ଏହା ଉପଯୁକ୍ତ ନୁହେଁ।