ଇଂଲଣ୍ଡରେ ଅନୁଷ୍ଠିତ ହେବାକୁ ଥିବା କ୍ରିକେଟ ବିଶ୍ବକପ୍ ନିମନ୍ତେ ଆଇସିସି ସମୁଦାୟ ୧୦ ମିଲିୟନ୍ ଡଲାରର ପୁରସ୍କାର ରାଶି ଘୋଷଣା କରିଛି । ଶୁକ୍ରବାର ଏକ ଟ୍ବିଟ୍ ଜରିଆରେ ଆଇସିସି ପକ୍ଷରୁ ଏହି ଘୋଷଣା କରାଯାଇଛି । ଏହି ରାଶି ମଧ୍ୟରୁ ୪ ମିଲିୟନ୍ ଡଲାର ବିଜୟୀ ଦଳକୁ ପ୍ରଦାନ କରାଯିବ । କ୍ରିକେଟ୍ ଇତିହାସରେ ଏହା ସବୁଠାରୁ ବୃହତ ପୁରସ୍କାର ରାଶି । ଏହା ସହିତ ରନର୍ସ ଅପ୍ ଦଳ ନିମନ୍ତେ ଦୁଇ ମିଲିୟନ୍ ପୁରସ୍କାର ରାଶି ଘୋଷଣା କରାଯାଇଛି । ସେମି ଫାଇନାଲ୍ରେ ପରାଜିତ ପ୍ରତ୍ୟକ ଦଳକୁ ୮ ଲକ୍ଷ ଡଲାରର ପୁରସ୍କାର ରାଶି ପ୍ରଦାନ କରାଯିବ । ଟୁର୍ଣ୍ଣାମେଣ୍ଟରେ ୧୦ ଟି ଟିମ୍ ଅଂଶଗ୍ରହଣ କରୁଥିବା ବେଳେ ୧୧ଟି ଷ୍ଟାଡିୟମ୍ରେ ସମୁଦାୟ ୪୮ଟି ମ୍ୟାଚ୍ ଖେଳାଯିବ । ଜୁଲାଇ ୧୬ରେ ଲର୍ଡସରେ ଫାଇନାଲ୍ ମ୍ୟାଚ୍ ଖେଳାଯିବ । ସେହିପରି ରାଉଣ୍ଡ ରବିନ୍ ଲିଗ୍ରେ ଖେଳା ଯାଉଥିବା ଏହି ଟୁର୍ଣ୍ଣାମେଣ୍ଟରେ ପ୍ରତ୍ୟେକ ଲିଗ୍ ମ୍ୟାଚ୍ର ବିଜୟ ପାଇଁ ମଧ୍ୟ ଆଇସିସି ପୁରସ୍କାର ରାଶି ଘୋଷଣା କରିଛି ଯାହା ଦ୍ବାରା ଏହି ଟୁର୍ଣ୍ଣାମେଣ୍ଟଟି ଅଧିକ ପ୍ରତିଦ୍ବନ୍ଦିତାପୂର୍ଣ୍ଣ ହୋଇ ପାରିବ ।
Winning team to take home $4,000,000; big incentive for each league game