ପ୍ରଧାନମନ୍ତ୍ରୀତ୍ବର ୫ ବର୍ଷ ମଧ୍ୟରେ ନରେନ୍ଦ୍ର ମୋଦି ଆଜି ପ୍ରଥମଥର ପାଇଁ ଏକ ପ୍ରେସ୍ମିଟ୍ କରିଥିଲେ । ତେବେ ଏହାକୁ ନେଇ କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି ତାଙ୍କୁ କଟାକ୍ଷ କରିଛନ୍ତି । ଆୟୋଜିତ ଏକ ପ୍ରେସ୍ମିଟରେ ରାହୁଲ୍ ନିର୍ବାଚନୀ ଫଳାଫଳ ଘୋଷଣା ହେବାର ୫ ଦିନ ପୂର୍ବରୁ ମୋଦିଙ୍କର ପ୍ରେସମିଟ୍କୁ ନେଇ କଡ଼ା ସମାଲୋଚନା କରିଛନ୍ତି । ଅମିତ୍ ଶାହାଙ୍କ ସହ ନରେନ୍ଦ୍ର ମୋଦି ବେଶ୍ ଭଲ ଭାବରେ ଏହି ପ୍ରେସ୍ ମିଟ୍ରେ ସାଥ୍ ଦେଇଥିବାର କହିଛନ୍ତି ରାହୁଲ୍ । ତେବେ ରାଫାଲେ ମାମଲାରେ ମୋଦି କ’ଣ ପାଇଁ ତାଙ୍କ ସହ ଆଲୋଚନା କଲେ ନାହିଁ ବୋଲି ପ୍ରଶ୍ନ କରିଛନ୍ତି । ସେହିପରି ନିର୍ବାଚନୀ ଫଳାଫଳ ଆସିବ ପରେ ସମ୍ଭାବିତ ମେଣ୍ଟକୁ ନେଇ ଶୁକ୍ରବାର ଦିନ ରାହୁଲ୍ କହିଛନ୍ତି ଯେ, ମାୟାବତୀ, ଅଖିଳେଶ ଓ ଟିପିଡି ପ୍ରମୁଖ ଚନ୍ଦ୍ରବାବୁ ନାଇଡୁ ବିଜେପି ସହିତ ମେଣ୍ଟ କରିବେ ନାହିଁ । ନିର୍ବାଚନ ପରେ ୟୁପିଏ ପ୍ରମୁଖ ସୋନିଆ ଗାନ୍ଧିଙ୍କ ଅନୁଭବର ଫାଇଦା ଉଠାଯିବ । ରାହୁଲ୍ କହିଛନ୍ତି ଯେ, ସେ ସୋନିଆ ଗାନ୍ଧି ଓ ମନମୋହନ ସିଂହଙ୍କ ବହୁତ ଅନୁଭବ ରହିଛି, ସେ ନରେନ୍ଦ୍ର ମୋଦି ନୁହଁନ୍ତି ଯେ, ଅନୁଭବ କରି ଲୋକଙ୍କୁ ଦୁଇ ପକ୍ଷଭୁକ୍ତ କରିଦେବୁ । ଆମେ ସୋନିଆ ଗାନ୍ଧିଙ୍କ ଅନୁଭବର ଫାଇଦା ଉଠାଇବୁ ବୋଲି ରାହୁଲ୍ କହିଛନ୍ତି । ଆସନ୍ତା ୨୩ ତାରିଖରେ ଜନତାଙ୍କ ନିଷ୍ପତ୍ତି ଗ୍ରହଣ କରିବେ ବୋଲି କହିଛନ୍ତି । ଏହି ଅବସରରେ ରାହୁଲ୍ ନରେନ୍ଦ୍ର ମୋଦିଙ୍କୁ ସତ୍ତାରୁ ବେଦଖଲ କରିବା ପାଇଁ କଂଗ୍ରେସ, ବସପା ଓ ସପା ଔପଚାରିକ ରୂପେ ଗୋଟି ଧାରାରେ ରହିଛନ୍ତି ବୋଲି କହିଛନ୍ତି ।
