ଦିଲ୍ଲୀ: ଜନଜାତି ବ୍ୟାପାର ମନ୍ତ୍ରଣାଳୟ ଏବଂ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ଟିବି ବିଭାଗ ୨୪ ଅଗଷ୍ଟରେ ରାଷ୍ଟ୍ରୀୟ ଜନଜାତି ଅନୁସନ୍ଧାନ ସଂସ୍ଥାନ (ଏନ୍ଟିଆର୍ଆଇ) , ନୂଆ ଦିଲ୍ଲୀରେ ‘ଜନଜାତି ଟିବି ପଦକ୍ଷେପ’ ଅଧୀନରେ ୧୦୦ ଦିବସୀୟ ଆଶ୍ୱାସନ ଅଭିଯାନର ବିଶେଷତା ଗୁଡିକୁ ପ୍ରଚାର କରିବା ନିମନ୍ତେ ଏକ ଜାତୀୟ ସମ୍ମିଳନୀର ଆୟୋଜନ କରିଥିଲେ।
‘ଜନଜାତି ଟିବି ପଦକ୍ଷେପ’ ଜନଜାତି ବ୍ୟାପାର ମନ୍ତ୍ରଣାଳୟ ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟର କେନ୍ଦ୍ରୀୟ ଟିବି ପ୍ରଭାଗର ଏକ ମିଳିତ ପଦକ୍ଷେପ ଅଟେ। ୟୁଏସ୍ଏଆଇଡି ଏହାର ବୈଷୟିକ ଭାଗିଦାର ଏବଂ ପିରାମଲ୍ ସ୍ୱାସ୍ଥ୍ୟ କାର୍ଯ୍ୟାନ୍ୱୟନ ଭାଗିଦାର ଅଟନ୍ତି।
ଜନଜାତି ଟିବି ପଦକ୍ଷେପର ପରିସରରେ ଭାରତର ୧୭୪ ଜନଜାତି ଜିଲ୍ଲା ଗୁଡିକରେ ଟିବିର ସକ୍ରିୟ ମାମଲା ଗୁଡିକ ସମ୍ପର୍କରେ ଜାଣିବା ପାଇଁ ଆଶ୍ୱାସନ ଅଭିଯାନ ଏହି ବର୍ଷ ୭ ଜାନୁଆରୀରୁ ଆରମ୍ଭ କରା ଯାଇଥିଲା। ମହାରାଷ୍ଟ୍ରର ନନ୍ଦୁରବାର ଜିଲ୍ଲାରେ ଏହାର ଶୁଭାରମ୍ଭ କରା ଯାଇଥିଲା। ଏହି ପଦକ୍ଷେପ ଅଧୀନରେ ୬୮,୦୧୯ଟି ଗ୍ରାମରେ ଘରକୁ ଘର ବୁଲି ଯାଂଚ କରା ଯାଇଛି । ୧,୦୩,୦୭,୨୦୦ ଜଣ ଲୋକଙ୍କୁ ମୌଖିକ ଯାଂଚ ଆଧାରରେ, ୩,୮୨,୮୧୧ ଲୋକ ମାନଙ୍କୁ ଟିବି ହୋଇଥିବାର ଅନୁମାନ କରାଯାଇ ଚିହ୍ନଟ କରା ଯାଇଛି। ଏଗୁଡିକ ମଧ୍ୟରୁ ୨,୭୯,୩୨୯ (୭୩ ପ୍ରତିଶତ) ନମୁନା ଗୁଡିକୁ ଟିବି ପରୀକ୍ଷା ନିମନ୍ତେ ଯାଂଚ କରା ଯାଇଥିଲା ଏବଂ ୯,୯୭୧ ଲୋକଙ୍କୁ ଟିବି ହୋଇଥିବା ଜଣା ପଡିଥିଲା, ଏବଂ ସେମାନଙ୍କୁ ଭାରତ ସରକାରଙ୍କର ନିୟମ ଅନୁସାରେ ଚିକିତ୍ସା କରା ଯାଉଛି।
ଏହି କାର୍ଯ୍ୟକ୍ରମକୁ ସମ୍ବୋଧିତ କରି, ଜନଜାତି ବ୍ୟାପାର ମନ୍ତ୍ରଣାଳୟର ସଂଯୁକ୍ତ ସଚିବ, ଡଃ, ନବଲଜିତ୍ କପୁର କହିଥିଲେ ଯେ, ଆଶ୍ୱାସନ ଅଭିଯାନ ପ୍ରାୟ ୨ ଲକ୍ଷ ଗୋଷ୍ଠୀ ପ୍ରଭାବଶାଳୀ ବ୍ୟକ୍ତି ମାନଙ୍କୁ ଗୋଟିଏ ମଂଚକୁ ନେଇ ଆସିଛି, ଯେଉଁମାନେ ଏହି ଅଭିଯାନକୁ ସଫଳ କରିବା ନିମନ୍ତେ ସମ୍ପୂର୍ଣ୍ଣ ସମର୍ପିତ ଚିନ୍ତାଧାରା ସହିତ କାର୍ଯ୍ୟକ୍ରମରେ ଅଂଶ ଗ୍ରହଣ କରିଛନ୍ତି। ଏଥି ମଧ୍ୟରେ ଆଦିବାସୀ ନେତା, ଆଦିବାସୀ ଉପଚାରକର୍ତା, ପିଆର୍ଆଇ ସଦସ୍ୟ, ସ୍ୱୟଂ ସହାୟିକା ଗୋଷ୍ଠୀ (ଏସ୍ଏଚ୍ଜି) ଏବଂ ଜନଜାତି ଅଂଚଳ ଗୁଡିକର ଯୁବ ଗୋଷ୍ଠୀ ସାମିଲ୍ ହୋଇଛନ୍ତି, ଯେଉଁମାନେ ଏହି ଅଭିଯାନର ଯାଂଚ ପ୍ରକ୍ରିୟା (ସ୍କ୍ରିନିଂ) ଏବଂ ଗୋଷ୍ଠୀଗତ ସଚେତନତା ସୃଷ୍ଟି ଅଭିଯାନର ଅଂଶ ବିଶେଷ ଥିଲେ। ସେ ପିରାମଲ୍ ଫାଉଣ୍ଡେସନ୍ ଏବଂ ୟୁଏସ୍ଏଆଇଡି ଦ୍ୱାରା କରା ଯାଇଥିବା ପ୍ରୟାସ ଗୁଡିକୁ ପ୍ରଶଂସା କରିଥିଲେ, ଯେଉଁମାନେ କେନ୍ଦ୍ରୀୟ ଟିବି ପ୍ରଭାଗ, ରାଜ୍ୟ ଟିବି ଅଧିକାରୀ ମାନଙ୍କ ଏବଂ ଜିଲ୍ଲା ଟିବି ଅଧିକାରୀ ମାନଙ୍କ ସହିତ ମିଶି ଏକାଠି କାର୍ଯ୍ୟ କରିଛନ୍ତି। ସେ ଏହା ମଧ୍ୟ କହିଥିଲେ ଯେ, ସଂଖ୍ୟା ଏହା ଦର୍ଶାଉଛି କି, ଆଦିବାସୀ ଗୋଷ୍ଠୀ ଗୁଡ଼ିକ ଅନ୍ୟ ଜନ ସଂଖ୍ୟା ସମୂହ ତୁଳନାରେ ଶ୍ୱାସ ରୋଗ ଏବଂ ଟିବି ପ୍ରତି ଅଧିକ ଉନ୍ମୁଖ ଅଟନ୍ତି। ସେ ରାଜ୍ୟର ସମସ୍ତ ସ୍ୱାସ୍ଥ୍ୟ ବିଭାଗ ଗୁଡିକୁ ଭିତିଭୂମି ସଂରଚନାର ବ୍ୟବଧାନକୁ ବିଷ୍ଲେଶଣ କରିବା ଏବଂ ରାଜ୍ୟର ସମ୍ବନ୍ଧିତ ଜନଜାତି କଲ୍ୟାଣ ବିଭାଗ ମାଧ୍ୟମରେ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ଜନଜାତି ବ୍ୟାପାର ମନ୍ତ୍ରଣାଳୟ ଠାରୁ ପାଣ୍ଠି ପ୍ରାପ୍ତ କରିବା ପାଇଁ କହିଥିଲେ।
ବିବେକାନନ୍ଦ ଗିରି, ଡିଡିଜି କେନ୍ଦ୍ରୀୟ ଟିବି ଡିଭିଜନ୍ ସିଟିଡିର ଜନଜାତି ଟିବି ପଦକ୍ଷେପ ଉପସ୍ଥାପିତ କରିଥିଲେ। ଏଡିଜି ଡଃ ରଘୁରାମ ରାଓ କହିଥିଲେ ଯେ, କେନ୍ଦ୍ର ଟିବି ପ୍ରଭାଗ ଟିବିକୁ ଦୂର କରିବା ନିମନ୍ତେ ଜନଜାତି ଗୋଷ୍ଠୀ ଗୁଡିକଙ୍କ ସହିତ ମିଶି ଏକାଠି କାର୍ଯ୍ୟ କରିବା ପାଇଁ ଆଗ୍ରହୀ ଅଟନ୍ତି। ଆଶ୍ୱାସନ ଅଭିଯାନ ମାଧ୍ୟମରେ ଯେଉଁ ତଥ୍ୟ ସାମନାକୁ ଆସିଛି, ତହିଁରୁ ସିଟିଡି ଟିବିର ପ୍ରମୁଖ କେନ୍ଦ୍ର ଗୁଡିକର ନକ୍ସା ପ୍ରସ୍ତୁତ କରିବ ଏବଂ ତାକୁ ଆରମ୍ଭ ବିନ୍ଦୁ ଭାବରେ ଉପଯୋଗ କରିବ।
ଏହି ଅବସରରେ ୟୁଏସ୍ଏଆଇଡି ଇଣ୍ଡିଆର ସ୍ୱାସ୍ଥ୍ୟ ନିର୍ଦ୍ଦେଶକ, ସୁଶ୍ରୀ ସଙ୍ଗୀତା ପଟେଲ୍, ଜନଜାତି ବ୍ୟାପାର ମନ୍ତ୍ରଣାଳୟ ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟକୁ ଆଦିବାସୀ ଗୋଷ୍ଠୀ ଗୁଡିକଙ୍କୁ ଟିବି ସହିତ ଲଢ଼େଇ କରି ସୁରକ୍ଷିତ ରହିବାକୁ ସେମାନଙ୍କର ପ୍ରତିବଦ୍ଧତା ନିମନ୍ତେ ଅଭିନନ୍ଦନ ଜଣାଇ ଥିଲେ। ସେ କହିଥିଲେ ଯେ, ଯେତେବେଳେ ଆପଣ ଏହା ଭାବିଥାନ୍ତି ଯେ ଗୋଷ୍ଠୀ ସ୍ତରରେ କାର୍ଯ୍ୟ କରୁଥିବା ୨,୨୦୦ରୁ ଅଧିକ ସଦସ୍ୟ ମାନଙ୍କ ସହିତ କ’ଣ ହାସଲ କରା ଯାଇଛି ଏବଂ ଆପଣ ୧୦ ମିଲିୟନ୍ ଲୋକ ମାନଙ୍କ ନିକଟରେ ପହଂଚିବା ପାଇଁ ସକ୍ଷମ ଥିଲେ ଏବଂ ସେଠାରୁ ଆପଣ ୧୦,୦୦୦ ଟିବି ରୋଗୀ ମାନଙ୍କୁ ପ୍ରକୃତରେ ଚିହ୍ନଟ କରି ପାରିଥିଲେ, ସେତେବେଳେ ତାହା ଅତି ପ୍ରଶଂସନୀୟ କାର୍ଯ୍ୟ ହୋଇଥାଏ। ମୁଁ ୭୫ଟି ଟିବି ମୁକ୍ତ ଜନଜାତି ଜିଲ୍ଲା ଗୁଡିକ ନିମନ୍ତେ ଆପଣଙ୍କର ପ୍ରତିବଦ୍ଧତାକୁ ଦେଖି ବହୁତ ଖୁସି, କିନ୍ତୁ ଆମକୁ ଅନ୍ୟ ଜନଜାତି ଜିଲ୍ଲା ଗୁଡିକୁ ମଧ୍ୟ ପଛରେ ଛାଡିବାର ନାହିଁ।
ଭାରତ ସ୍ୱାଧୀନତାର ୭୫ ବର୍ଷ ସମ୍ପୂର୍ଣ୍ଣ ହେବା ଅବସରରେ, ୭୫ରୁ ଅଧିକ ବୋଝ ବାଲା ଜନଜାତି ଜିଲ୍ଲା ଗୁଡିକ ଉପରେ ଟିବି କ୍ଷେତ୍ରରେ ଆଗାମୀ ମାସ ଗୁଡିକରେ ଧ୍ୟାନ କେନ୍ଦ୍ରିତ କରିବା ନିମନ୍ତେ ବଛା ଯାଇଛି। ଏମିତି ୭୫ଟି ଜିଲ୍ଲା ଗୁଡିକ ନିମନ୍ତେ ଏକ ତ୍ରିସ୍ତରୀୟ ରଣନୀତି ପ୍ରସ୍ତୁତ କରା ଯାଇଛି, ଯାହା ନିମ୍ନରେ ଦିଆ ଯାଇଥିବା ପ୍ରସଙ୍ଗ ଗୁଡିକ ଉପରେ କେନ୍ଦ୍ରିତ ହେବ:
୧. ଗୋଷ୍ଠୀକୁ ଏକଜୁଟ କରିବା, ଟିବିର ଲକ୍ଷଣ ଗୁଡିକ ସମ୍ପର୍କରେ ପ୍ରଚାର ଏବଂ ଉପଚାର ପ୍ରକ୍ରିୟା ଗୁଡିକ ସମ୍ପର୍କରେ ସଚେତନତା ବୃଦ୍ଧି କରିବା ତଥା ଏହି କଳଙ୍କକୁ ହଟେଇ ଦେବା ଏବଂ ଟିବି ସହିତ ଯୋଡି ହୋଇ ରହିଥିବା ଭୟକୁ ଦୂର କରିବା ନିମନ୍ତେ ଏହି ପ୍ରକ୍ରିୟା ସମୟରେ ସାମିଲ୍ କରା ଯାଇଥିବା ଗୋଷ୍ଠୀ ପ୍ରଭାବକାରୀ ମାନଙ୍କ ସହିତ ନିରନ୍ତର ଯୋଡି ହୋଇ ରହିବା ମାଧ୍ୟମରେ ଟିବି ସେବା ଗୁଡିକର ଚାହିଦାକୁ ସୃଷ୍ଟି କରିବା।
୨. ଟିବି ପରୀକ୍ଷଣ କିମ୍ବା ଯାଂଚ ଏବଂ ଏହାର ନିଦାନର ଭିତିଭୂମି ସରଂଚନାରେ ବୃଦ୍ଧି କରି କାର୍ଯ୍ୟାନ୍ୱୟନ ବ୍ୟବଧାନକୁ ଦୂର କରିବା ନିମନ୍ତେ ପିଆଇପି ଏବଂ ଆର୍ଥିକ ସହାୟତାର ଅନ୍ୟ ସ୍ରୋତ ଗୁଡିକର ଲାଭ ଉଠାଇ ଅନୁକୂଳିତ ସମାଧାନର ପ୍ରାବଧାନ ଦ୍ୱାରା ଟିବି ସେବା ଗୁଡିକରେ ସୁଧାର ଆଣିବା।
୩. ସକ୍ରିୟ ମାମଲା ଗୁଡିକ ସମ୍ପର୍କରେ ଜାଣିବା ପାଇଁ ଅଭିଯାନ ଗୁଡିକ ମାଧ୍ୟମରେ ଏହି ରୋଗକୁ ସଂକ୍ରମଣ ପାଇଁ ବିପଦ ତଥା ପୁଲ୍ କୁ କମ୍ କରିବା।
ଆଗାମୀ ପନ୍ଥା ସମ୍ପର୍କରେ ସୂଚନା ଦେଇ ଡଃ ଶୋଭା ଏକ୍କା, ଚିଫ୍ ଅଫ୍ ପାର୍ଟି, ପିରାମଲ୍ ସ୍ୱାସ୍ଥ୍ୟ, ଜନଜାତି ଟିବି ପଦକ୍ଷେପ କହିଛନ୍ତି ଯେ ପିରାମଲ୍ ସ୍ୱାସ୍ଥ୍ୟ ଭାରତରେ ରହୁଥିବା ଲକ୍ଷ ଲକ୍ଷ ଆଦିବାସୀ ଲୋକ ମାନଙ୍କୁ ସ୍ୱାସ୍ଥ୍ୟ ଏବଂ କଲ୍ୟାଣ ନିମନ୍ତେ ସୁଦୃଢ଼ତାର ସହିତ ପ୍ରତିବଦ୍ଧ ରହିଛି ଏବଂ ବିଶ୍ୱାସ ରଖେ ଯେ ଭାରତକୁ ଟିବି ମୁକ୍ତ କରିବା ନିମନ୍ତେ ଟିବି ମୁକ୍ତ ଜନଜାତି ଗୋଷ୍ଠୀ ଏହାର ଏକ ପ୍ରମୁଖ ଆଧାର ଶିଳା। ଏହି କାର୍ଯ୍ୟକ୍ରମରେ ସୁଶ୍ରୀ ବିନିତା ଶ୍ରୀବାସ୍ତବ, (ପରାମର୍ଶଦାତା, ଜନଜାତୀୟ ସ୍ୱାସ୍ଥ୍ୟ ପ୍ରକୋଷ୍ଠ, ଜନଜାତି ବ୍ୟାପାର ମନ୍ତ୍ରଣାଳୟ), ଡଃ ଶୈଳେନ୍ଦ୍ର ହେଗଡେ ଏବଂ ପିରାମଲ୍ ସ୍ୱାସ୍ଥ୍ୟ ସିନିୟର ଭିପି ଅଶ୍ୱିନ ଦେଶମୁଖ ଭାଗ ନେଇଥିଲେ।
ଏହି କାର୍ଯ୍ୟକ୍ରମରେ ରାଜ୍ୟ ଏବଂ ଜିଲ୍ଲା ଟିବି ଅଧିକାରୀ ମାନେ, ବୈଷୟିକ ବିଶେଷଜ୍ଞ ସମୂହ, ଗୋଷ୍ଠୀ ପ୍ରଭାବକାରୀ ମାନଙ୍କ ସହିତ ବିକାଶର ଭାଗିଦାର ମାନେ ଅଂଶ ଗ୍ରହଣ କରିଥିଲେ।
