ଲୋକସଭା ନିର୍ବାଚନ ଫଳାଫଳ ପ୍ରକାଶର ଠିକ୍ ପୂର୍ବରୁ କେଦାରନାଥ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଦୁଇ ଦିନିଆ ଉତ୍ତରାଖଣ୍ଡ ଗସ୍ତରେ ରହିଥିବା ମୋଦି ଆଜି କେଦାରନାଥରେ ପୂଜାର୍ଚ୍ଚନା କରିଛନ୍ତି। ଏହି ଗସ୍ତରେ ମୋଦି କେଦାରନାଥ ସମେତ ବଦ୍ରିନାଥ ମଧ୍ୟ ପରିଦର୍ଶନ କରିବେ । ଆଦର୍ଶ ଆଚରଣ ବିଧି ଉଠିନଥିବାରୁ ଏହି ଗସ୍ତ ପୂର୍ବରୁ ମୋଦି ନିର୍ବାଚନ କମିଶନଙ୍କ ଅନୁମତି ଲୋଡିଥିଲେ । ମୋଦିଙ୍କୁ ଅନୁମତି ପ୍ରଦାନ କରାଯାଇଥିଲେ ମଧ୍ୟ ଆଦର୍ଶ ଆଚରଣ ବିଧି ଉଲଂଘନ ନକରିବା ପାଇଁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟକୁ ଜଣାଇ ଦିଆଯାଇଛି ବୋଲି ନିର୍ବାଚନ କମିଶନ ପ୍ରକାଶ କରିଛନ୍ତି । ପ୍ରଧାନମନ୍ତ୍ରୀ ଆସନ୍ତାକାଲି ବଦ୍ରିନାଥ ଯାଇ ପୂଜାର୍ଚ୍ଚନା କରିବେ ବୋଲି ବିଜେପି ଗଣମାଧ୍ୟମ ମୁଖପାତ୍ର ଦେବେନ୍ଦ୍ର ଭାସିନ୍ ସୂଚନା ଦେଇଛନ୍ତି । ପ୍ରଧାନମନ୍ତ୍ରୀ କାର୍ଯ୍ୟାଳୟକୁ ଆସିବା ପରଠାରୁ ହିମାଳୟ ପାଦଦେଶରେ ରହିଥିବା ଏହି ସ୍ଥାନକୁ ଏହା ମୋଦିଙ୍କ ଚତୁର୍ଥ ଗସ୍ତ । ସୂଚନାଯୋଗ୍ୟ ଯେ, ଆସନ୍ତା କାଲି ଅନ୍ତିମ ପର୍ଯ୍ୟାୟ ନିର୍ବାଚନରେୋ ଆସନ୍ତାକାଲି ବାରଣାସୀରେ ପ୍ରଧାନମନ୍ତ୍ରୀଙ୍କ ଭାଗ୍ୟ ଇଭିଏମ୍ରେ ସିଲ୍ ହେବ ।
modi offer prayer in kedarnath
