ନୂଆଦିଲ୍ଲୀ: ଅତୀତରେ ଦିଲ୍ଲୀ ସରକାର ଆଣିଥିବା ଅବକାରୀ ନୀତିରେ ହୋଇଥିବା ଦୁର୍ନୀତି ଅଭିଯୋଗର ପ୍ରବର୍ତ୍ତନ ନିର୍ଦ୍ଦେଶାଳୟ ମଧ୍ୟ ତଦନ୍ତରେ ପ୍ରବେଶ କରିଛି। ମଙ୍ଗଳବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ ରାଜଧାନୀ ଦିଲ୍ଲୀ ସମେତ ୬ ଟି ରାଜ୍ୟରେ ମଦ ଦୁର୍ନୀତି ସମ୍ପର୍କରେ ଚଢାଉ କରିଛି। ମିଳିଥିବା ସୂଚନା ଅନୁଯାୟୀ, ୩୦ ରୁ ଅଧିକ ସ୍ଥାନରେ ଚଢାଉ ଚାଲିଥିବା କୁହାଯାଇଛି।
ଇଡି ମୁଖ୍ୟାଳୟ ସୂତ୍ର ଅନୁଯାୟୀ, ବର୍ତ୍ତମାନ ମନୀଷ ସିସୋଦିଆଙ୍କ ବାସଭବନରେ ଚଢାଉ କରାଯାଉନାହିଁ। ଇଡି ସୂତ୍ର ଅନୁଯାୟୀ, ଦିଲ୍ଲୀ ସମେତ ଉତ୍ତରପ୍ରଦେଶର ଲକ୍ଷ୍ନୌ, ହରିୟାଣାର ଗୁରୁଗ୍ରାମ, ଚଣ୍ଡିଗଡ଼, ମୁମ୍ବାଇ, ହାଇଦ୍ରାବାଦ, ବାଙ୍ଗାଲୋରରେ ଚଢାଉ ଜାରି ରହିଛି।
