ବିହାରର ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ତଥା ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତେଜପ୍ରତାପ ଯାଦବଙ୍କ ସୁରକ୍ଷାକର୍ମୀ ଗଣମାଧ୍ୟମ କର୍ମୀଙ୍କୁ ଆକ୍ରମଣ କରିଛନ୍ତି । ଏହି ଘଟଣାରେ ଜଣେ ଦୈନିକ ଖବରକାଗଜର ଫଟୋଗ୍ରାଫର ଆହତ ହୋଇଛନ୍ତି । ଅନ୍ୟପକ୍ଷରେ ଜଣେ କ୍ୟାମେରାମ୍ୟାନଙ୍କ ଗୋଡ଼ ଗାଡି ଚକା ତଳେ ଆସିଯାଇଛି । ତେଜପ୍ରତାପ ଯାଦବ ନିଜ ସମର୍ଥକଙ୍କ ସହ ଭୋଟ୍ ଦେବା ପାଇଁ ପାଟଣାର ଭେଟେନାରୀ କଲେଜ୍ ପଡିଆ ପାଖ ମତଦାନ କେନ୍ଦ୍ରରେ ପହଁଚିବା ପରେ ଏହି ଘଟଣା ଘଟିଥିଲା । ସୁରକ୍ଷାକର୍ମୀଙ୍କ ପକ୍ଷରୁ ଆକ୍ରମଣକୁ ତେଜପ୍ରତାପ ଅସ୍ବୀକାର କରିବା ସହ ତାଙ୍କ ଗାଡି ଉପରକୁ ଆକ୍ରମଣ କରାଯିବା ସହ କାଚ ଭଙ୍ଗା ଯାଇଥିବାର ଅଭିଯୋଗ ଆଣିଥିଲେ । ଆମ ଲୋକଙ୍କ ଉପରକୁ ଜୀବନରୁ ମାରିଦେବା ପାଇଁ ଚେଷ୍ଟା କରାଗଲା । ତେଜପ୍ରତାପ ସୁରକ୍ଷାକର୍ମୀଙ୍କ ଦ୍ୱାରା ମାରପିଟକୁ ମଧ୍ୟ ଖଣ୍ଡନ କରିଛନ୍ତି । ଗୁରୁତର ଗଣମାଧ୍ୟମ କର୍ମଚାରୀଙ୍କ କହିବାନୁସାରେ ତାଙ୍କ ଗୋଡ଼ ଉପରେ ତେଜପ୍ରତାପ ଗାଡ଼ି ଚଢାଇଛନ୍ତି । ଯାହାପରେ ସେ ନିଜ ହାତରେ ଗାଡିକୁ ଧକ୍କା ମାରିଥିଲେ । ତେବେ ତେଜପ୍ରତାପ ନିଜ ସୁରକ୍ଷା ପାଇଁ ସରକାରୀ ଗାର୍ଡସଙ୍କ ସହ ବାଉନ୍ସରଙ୍କୁ ମଧ୍ୟ ସାଙ୍ଗରେ ନେଇ ଚାଲିଥାନ୍ତି । ଏହାପୂର୍ବରୁ ବିହାର ବିଧାନସଭା ପରିସରରେ ମଧ୍ୟ ତାଙ୍କ ବ୍ୟକ୍ତିଗତ ଅଙ୍ଗରକ୍ଷୀ ଏବଂ ବାଉନ୍ସରଙ୍କ ପ୍ରବେଶ ନେଇ ବିବାଦ ଦେଖା ଦେଇଥିଲା ।
