ଚଳିତ ଲୋକସଭା ନିର୍ବାଚନରେ ପଞ୍ଜାବଠାରେ କଂଗ୍ରେସର ଟକ୍କର ବିଜେପି-ଅକାଳୀ ଦଳ ସହ ହେଉଛି । ପଞ୍ଜାବରେ କଂଗ୍ରେସ ନିଜ ଭିତରେ ଲଢେଇ କରୁଥିବାର ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଓ କଂଗ୍ରେସ ନେତା ନଭଜୋତ ସିଂହ ସିଦ୍ଧୁଙ୍କ ମଧ୍ୟରେ ମତାନ୍ତର ତଥା ଦୁହିଁଙ୍କ ମଧ୍ୟରେ ଲଢେଇ ଜାରି ରହିଛି ବୋଲି ଏବେ ସର୍ବସାଧାରଣକୁ ଆସିଲାଣି । ଅମରନ୍ଦିର ସିଂ ଏକ ବୟାନରେ ନଭଜୋତ ସିଂ ସିଦ୍ଧୁ ତାଙ୍କୁ ହଟାଇ ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି ବୋଲି ଅଭିଯୋଗ କରିଛନ୍ତି । ଚଳିତ ଲୋକସଭା ନିର୍ବାଚନରେ ସିଦ୍ଧୁଙ୍କ ପତ୍ନୀ ନବଜୋତ କୌରଙ୍କୁ ଟିକେଟ ନ ମିଳିବାରୁ ତାଙ୍କ ପତ୍ନୀ ଅମରିନ୍ଦରଙ୍କ ପାଇଁ ତାଙ୍କୁ ଟିକେଟ ମିଳିନଥିଲା ବୋଲି ଅଭିଯୋଗ କରିଥିଲେ, ଯାହାକୁ ସମର୍ଥନ କରିଥିଲେ ସିଦ୍ଧୁ । ଏହାପରଠାରୁ ଅମରିନ୍ଦର ଏବଂ ସିଦ୍ଧୁଙ୍କ ଭିତରେ ସମ୍ପର୍କରେ ଫାଟ ସୃଷ୍ଟି ହୋଇଥିବା କୁହାଯାଉଛି।
Tags:
