ଶ୍ରୀଲଙ୍କା ଗସ୍ତ ପାଇଁ ଭାରତ ‘ଏ’ ଟିମ୍ ଘୋଷଣା କରାଯାଇଛି । ଏହି ଘୋଷଣା ପରେ ବିଦର୍ଭ ଅଧିନାୟକ ତଥା ଓପ୍ନର ଫୈଜ୍ ଫଜଲ ଚୟନକର୍ତ୍ତାଙ୍କୁ କଟାକ୍ଷ କରି ଏକ ଟ୍ବିଟ୍ କରିଛନ୍ତି । କାହାରି ନାମ ନନେଇ ଏକ ଟ୍ବିଟ୍ କରି ଲେଖିଛନ୍ତି ଆମେ କଣ ସେହି ଟିମ୍ ଯିଏକି ପଛକୁ ପଛ ରଣଜୀ ଟ୍ରଫି ଏବଂ ଇରାନୀ ଟ୍ରଫି ହାସଲ କରିଥିଲୁ । ଶ୍ରୀଲଙ୍କା ଗସ୍ତ ପାଇଁ ଏକ ମାତ୍ର ଖେଳାଳି ଭାବରେ ବାମହାତୀ ସ୍ପିନର ଆଦିତ୍ୟ ସରାଓ୍ବତେ ଭାରତୀୟ ଦଳରେ ସ୍ଥାନ ପାଇଛନ୍ତି । ଦଳରେ ରଜନୀଶ୍ ଗୁରବାନୀ ଏବଂ ସଞ୍ଜୟ ରାମସ୍ବାମୀଙ୍କ ପରି ଖେଳାଳି ରହିଥିଲେ ମଧ୍ୟ ସମସ୍ତଙ୍କୁ ଅଣଦେଖା କରାଯିବା ନେଇ ଫଜଲ ଏହି ଟ୍ବିଟ୍ କରିଥିଲେ । ବିଗତ ଦୁଇ ସିଜିନ୍ରେ ଫଜଲ ନିଜେ 60ରୁ ଅଧିକ ଆଭରେଜ୍ରେ ରନ୍ କରିଥିବା ବେଳେ ତାଙ୍କୁ କେବେବି ଚୟନ କରାଯାଇନାହିଁ । 2016ରେ ଫଜଲ ଭାରତୀୟ ଦଳ ପାଇଁ ମନୋନୀତ ହୋଇ ମାତ୍ର ଗୋଟିଏ ମ୍ୟାଚ୍ ଖେଳିବାର ସୁଯୋଗ ପାଇଥିଲେ । ଏହି ମ୍ୟାଚ୍ରେ 55 ରନ୍ କରିଥିଲେ ମଧ୍ୟ ଭବିଷ୍ୟତରେ ଖେଳିବାର ସୁଯୋଗ ମିଳିନଥିଲା ।
Tags:
