ପଶ୍ଚିମବଙ୍ଗର କିଛି ବୁଥ୍ରେ ପୁନର୍ବାର ନିର୍ବାଚନ ପାଇଁ ତୃଣମୂଳ କଂଗ୍ରେସର ନେତା ମାନେ ହିଂସାତ୍ମକ ରାସ୍ତା ଆପଣାଉଛନ୍ତି ବୋଲି ଅଭିଯୋଗ କରିଛି ବିଜେପି। ସଶସ୍ତ୍ର ସୁରକ୍ଷା ବଳଙ୍କୁ ବିଜେପି ନିଜର ରାଜନୈତିକ ସୁରକ୍ଷା ପାଇଁ ବ୍ୟବହାର କରୁଛି ବୋଲି ତୃଣମୂଳ ପକ୍ଷରୁ ଅଭିଯୋଗ ଅଣାଯିବା ପରେ ବିଜେପି ପକ୍ଷରୁ ଏହି ଅଭିଯୋଗ କରାଯାଇଛି। ତୃଣମୂଳ ନେତୃବୃନ୍ଦ ନିଜର ମାନସିକ ଭାରସାମ୍ୟ ହରାଇଥିବା ପରି ପ୍ରତୀୟମାନ ହେଉଛି ବୋଲି ବିଜେପି ପକ୍ଷରୁ ମୁକୁଲ ରାୟ କହିଛନ୍ତି। ଗତକାଲି ନିର୍ବାଚନର ଅନ୍ତିମ ପର୍ଯ୍ୟାୟରେ 9ଟି ସଂସଦୀୟ କ୍ଷେତ୍ରରେ ନିର୍ବାଚନ ହେଉଥିବା ବେଳେ ତନ୍ମଧ୍ୟରୁ 8ଟି ସଂସଦୀୟ କ୍ଷେତ୍ରର ବିଭିନ୍ନ ବୁଥ୍ରେ ହିଂସାକାଣ୍ଡ ଦେଖିବାକୁ ମିଳିଛି। ନିର୍ବାଚନରେ ପରାଜୟ ଭୟରେ ତୃଣମୂଳ ଏପରି ଅଭିଯୋଗ ଆଣିବା ସହିତ ହିଂସାକାଣ୍ଡର ରାସ୍ତା ଆପଣାଇଛି ବୋଲି ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ କୈଳାଶ ବିଜୟବର୍ଗିୟା ପ୍ରକାଶ କରିଛନ୍ତି।
bjp leader kailash vijayvargiya slams tmc on violence issue in west bengal