କର୍ଣ୍ଣାଟକର କଂଗ୍ରେସ ବିଧାୟକ ରୋଶନ ବେଗ ଦଳ ଛାଡ଼ିବା ନେଇ ମଙ୍ଗଳବାର ସଂକେତ ଦେଇଛନ୍ତି। ଲୋକସଭା ନିର୍ବାଚନ ଏକ୍ଜିଟ୍ ପୋଲ ରିପୋର୍ଟ ସାମ୍ନାକୁ ଆସିବା ପରେ ଦଳର ନିରାଶାଜନକ ପ୍ରଦର୍ଶନ ପାଇଁ ବେଗ୍ କର୍ଣ୍ଣାଟକ କଂଗ୍ରେସ ପ୍ରଭାରୀ କେସି ଭେଣୁଗୋପାଳ ଏବଂ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମେୟାଙ୍କୁ ଦାୟୀ କରିଛନ୍ତି। ଏହାସହ ବେଗ୍ ଏନ୍ଡିଏ ସରକାର ଗଠନ ହେଲେ ତାହା ସହ ସାଲିସ୍ କରିବାକୁ ମୁସଲମାନଙ୍କୁ ପରାମର୍ଶ ଦେଇଛନ୍ତି। ସେ କହିଛନ୍ତି ଯେ ଯଦି ଏନ୍ଡିଏ ସରକାର ଗଠନ କରେ ତେବେ ମୁସଲମାନ ଭାଇମାନେ ବୁଝାମଣା କରିନେବା ଆବଶ୍ୟକ। ଆବଶ୍ୟକ ପଡ଼ିଲେ ବିଜେପି ସହ ହାତ ମିଳାଇ ନେବା ଠିକ୍ ହେବ। କୌଣସି ଗୋଟିଏ ଦଳର ଅନୁଗତ ହୋଇ ରହିବା ଅନୁଚିତ। କର୍ଣ୍ଣାଟକରେ କଂଗ୍ରେସ କେବଳ ଜଣେ ମୁସଲମାନଙ୍କୁ ଟିକେଟ୍ ପ୍ରଦାନ କରିଛି। ଆବଶ୍ୟକତା ପଡ଼ିଲେ କଂଗ୍ରେସ ଛାଡ଼ିଦେବି କହିଛନ୍ତି ରୋଶନ୍ ବେଗ୍ । ତାଙ୍କ ମନ୍ତବ୍ୟକୁ ନେଇ ଉପମୁଖ୍ୟମନ୍ତ୍ରୀ ଜି ପରମେଶ୍ବର କହିଛନ୍ତି ଯେ, ଦଳରେ କୌଣସି ପ୍ରଭାବ ପଡ଼ିବ ନାହିଁ । ୨୩ ତାରିଖରେ ଫଳାଫଳ ଘୋଷଣା ହେବା ପରେ ରାଜନୈତିକ ସ୍ଥିତି ବଦଳିଯିବ ।
Roshan Baig target congress may be he leave this party