ଜମ୍ମୁ ଏବଂ କାଶ୍ମୀରରେ ସୁରକ୍ଷା ବଳ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନ୍କାଉଣ୍ଟରରେ ୨ ଆତଙ୍କୀ ପ୍ରାଣ ହରାଇଛନ୍ତି । ବୁଧବାର ଗୁଇନ୍ଦା ସୂଚନା ପାଇ ସୁରକ୍ଷା ବଳଙ୍କ ପକ୍ଷରୁ ଏନ୍କାଉଣ୍ଟର କରାଯାଇଥିଲା । କୁଲଗାମ ଜିଲ୍ଲାର ଗୋପାଳପୋରା ଅଞ୍ଚଳରେ ଏହି ଏନ୍କାଉଣ୍ଟର ସଙ୍ଗଠିତ ହୋଇଥିଲା । ଦୁଇ ଘଣ୍ଟାରୁ ଅଧିକ ସମୟ ଧରି ଚାଲିଥିବା ଏହି ଏନ୍କାଉଣ୍ଟରରେ ଦୁଇ ଆତଙ୍କୀ ପ୍ରାଣ ହରାଇଛନ୍ତି । ଆତଙ୍କୀଙ୍କ ପରିଚୟ ମିଳିନଥିବା ବେଳେ ନିକଟସ୍ଥ ଅଞ୍ଚଳରେ ସର୍ଚ୍ଚ ଅପରେସନ୍ ଜାରି ରହିଥିବା ନେଇ ସୂଚନା ମିଳିଛି । ବିଗତ ପାଞ୍ଚ ଦିନ ମଧ୍ୟରେ ଏହା ତୃତୀୟ ଆକ୍ରମଣ । ପୂର୍ବରୁ ୪ ଦିନ ତଳେ ପୁଲଓ୍ବାମାରେ ୪ ଆତଙ୍କୀ ନିହତ ହୋଇଥିବା ବେଳେ ଅନନ୍ତନାଗରେ ମଧ୍ୟ ଜଣେ ଆତଙ୍କୀ ପ୍ରାଣ ହରାଇଥିଲେ ।
2 militants killed in kulgam