ବିଜେପି ନେତା ତଥା ସଂଖ୍ୟାଲଘୁ ମନ୍ତ୍ରାଳୟର ମନ୍ତ୍ରୀ ମୁଖ୍ତାର ଆବାସ ନକ୍ଭୀ ଇଭିଏମକୁ ନେଇ ବିପକ୍ଷ ରାଜନୈତିକ ଦଳଙ୍କୁ ଟାର୍ଗେଟ୍ କରରିଛନ୍ତି । କଂଗ୍ରେସ ଏବଂ ଅନ୍ୟାନ୍ୟ ବିପକ୍ଷ ରାଜନୈତିକ ଦଳକୁ ଆକ୍ରମଣ କରି ବୁଧବାର ନକ୍ଭୀ କହିଛନ୍ତି, ପରିବାରବାଦ ରାଜନୀତିର ପରାଜୟକୁ ସହଜରେ ଗ୍ରହଣ କରି ପାରୁ ନାହାନ୍ତି । ରାଜନୀତିରେ ବିଜୟ ଏବଂ ପରାଜୟ ଗୋଟିଏ ମୁଦ୍ରାର ଦୁଇ ପାର୍ଶ୍ବ ସଦୃଶ, ତେଣୁ ଗଣତନ୍ତ୍ରରେ ବିଶ୍ବାସ ରଖୁଥିବା ଲୋକ କଦାପି ଇଭିଏମ୍କୁ ଦୋଷ ଦେଇ ଖସିଯିବାକୁ ଚେଷ୍ଟା କରିବେ ନାହିଁ । ବର୍ତ୍ତମାନ ଯେଉଁ ରାଜନୈତିକ ଦଳ ଗୁଡିକ ଇଭଏମ୍କୁ ନେଇ କାଦୁଅ ଫିଙ୍ଗା ରାଜନୀତି କରୁଛନ୍ତି ନିର୍ବାଚନ ପୂର୍ବରୁ ସଂସଦ ମଧ୍ୟରେ ଅନେକ ଥର ଏହା ସମ୍ପର୍କରେ ଆଲୋଚନା ହୋଇଛି । ମାତ୍ର ବିପକ୍ଷ ଦଳ ସର୍ବଦା ଅଭିଯୋଗ ଉଠାଇବା ବ୍ୟତିତ କେବେବି ଠୋସ୍ ପ୍ରମାଣ ପ୍ରଦାନ କରି ପାରି ନାହାନ୍ତି । ବିଭିନ୍ନ ଏକ୍ସିଟ୍ ପୋଲ୍ରେ ବର୍ତ୍ତମାନ ଜନସାଧାରଣଙ୍କ ମତକୁ ନେଇ ଏନ୍ଡିଏକୁ ବହୁମତ ମିଳିବା ପରେ ପରିବାରବାଦ ରାଜନୀତିର ପରାଜୟକୁ ଇଭିଏମ୍ର ଦୋଷ ଦେଇ ଖସି ଯିବାକୁ ଚେଷ୍ଟା କରୁଛନ୍ତି ବିରୋଧୀ ।
naqvi slams opposition