ଭାରତୀୟ ନିର୍ବାଚନର ଫଳାଫଳର ପ୍ରଭାବ ଭାରତୀୟ ଶେୟାର ବଜାର ଉପରେ ଦେଖିବାକୁ ମିଳିଛି । ଭୋଟ ଗଣତିରେ ଏନ୍ଡିଏ ଅନେକ ଆସନରେ ଆଗୁଆ ରହିଥିବାରୁ ଏହା ନିବେଶକଙ୍କୁ ବଢିଆ ଫାଇଦା ଦେଇଛି । ସେନ୍ସେକ୍ସରେ ୮୮୮ ପଏଣ୍ଟର ବୃଦ୍ଧି ଦେଖିବାକୁ ମିଳିଥିବା ବେଳେ ନିଫ୍ଟୀରେ ମଧ୍ୟ ୨୬୩ ପଏଣ୍ଟର ଅଭିବୃଦ୍ଧି ଘଟିଛି । ସେନ୍ସେକ୍ସ ୩୯୯୯୮.୧୮ ପଏଣ୍ଟରେ ରହିଥିବା ବେଳେ ନିଫ୍ଟୀ ୧୨୦୦୧ ପଏଣ୍ଟରେ ରହିଛି ।ଏହି ସମୟରେ ୧୪୨୪ଟି ସେୟାର ମୂଲ୍ୟରେ ବୃଦ୍ଧି ଘଟିଥିବା ବେଳେ ୪୭୬ ଟି ସେୟାରର ମୂଲ୍ୟ ହ୍ରାସ ପାଇଛି ଏବଂ ୭୮ଟି ସେୟାରର ମୂଲ୍ୟ ଅପରିବର୍ତ୍ତିତ ରହିଛି । ଏହି ସମୟରେ ଭାରତୀୟ ବଜାର ୨.୨୭ ପ୍ରତିଶତର ଅଭିବୃଦ୍ଧି ହାସଲ କରିଥିବା ବେଳେ ଡଲାର ତୁଳନାରେ ୭୯ ପଇସା ଶକ୍ତିଶାଳୀ ହୋଇଛି ଭାରତୀୟ ମୁଦ୍ରା । ପୂର୍ବରୁ ଟଙ୍କାର ବିନିମୟ ମୂଲ୍ୟ 70.22 ପଇସା ରହିଥିବା ବେଳେ ସୋମବାର ଏହ ୬୯.୪୯ ପଇସାରେ ପହଞ୍ଚିଛି ।
nda trend gives bullish run