ନୂଆଦିଲ୍ଲୀ: ସବୁଠୁ ବଡ ଫୁଟବଲ ପ୍ରତିଯୋଗୀତା ଫିଫା ବିଶ୍ୱକପକୁ ନେଇ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି। ଏହି ସମୟରେ କତାରରେ ଅନୁଷ୍ଠିତ ହେବାକୁ ଥିବା ଫିଫା ବିଶ୍ୱକପ ଉପରେ ସମସ୍ତଙ୍କ ନଜର ରହିଛି। ୩୨ ଦେଶ ମଧ୍ୟରେ ପ୍ରତିଯୋଗିତା ନଭେମ୍ବର ୨୦ ରୁ ଆରମ୍ଭ ହେବ, ଯେଉଁଥିରେ ସମସ୍ତ ଦଳ ଅଂଶଗ୍ରହଣ କରିବାକୁ ଯାଉଛନ୍ତି। ପୋଲାଣ୍ଡର ଜାତୀୟ ଦଳ ମଧ୍ୟ କତାରରେ ଅନୁଷ୍ଠିତ ହେବାକୁ ଥିବା ଫିଫା ବିଶ୍ୱକପ୍ ଟୁର୍ଣ୍ଣାମେଣ୍ଟରେ ଭାଗ ନେବାକୁ ଯାଇଛନ୍ତି।
CO ZA WIDOK! 🫡😍🇵🇱 https://t.co/OkEMmmo4To pic.twitter.com/zuxYR3FvpY
— Łączy nas piłka (@LaczyNasPilka) November 18, 2022
ଯେତେବେଳେ ଦଳର ସଦସ୍ୟମାନେ ପୋଲାଣ୍ଡରୁ କତାର ଅଭିମୁଖେ ଯାତ୍ରା କଲେ, ସେମାନଙ୍କୁ ସୁରକ୍ଷିତ ଭାବେ ପୋଲାଣ୍ଡ ସୀମାରୁ ବାହାର କରିବା ପାଇଁ ଏଫ-୧୬ ଫାଇଟର୍ ଜେଟ୍ସର ସାହାଯ୍ୟ ନିଆଯାଇଥିଲା। ପୋଲାଣ୍ଡ ଜାତୀୟ ଦଳକୁ ମଧ୍ୟ-ପୂର୍ବ ପଥରେ ଯାଉଥିବା ଏଫ-୧୬ ଜେଟର କଡା ସୁରକ୍ଷା ବଳୟରେ ଦେଶର ସୀମା ବାହାରେ ଛାଡି ଦିଆଯାଇଥିଲା। ଏହି ଭିଡିଓ ପୋଲାଣ୍ଡର ନ୍ୟାସନାଲ ଫୁଟବଲ ଦଳର ଅଫିସିଆଲ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି।