ଲୋକସଭା ନିର୍ବାଚନ ଫଳାଫଳ ସହିତ ଆନ୍ଧ୍ରପ୍ରଦେଶର ବିଧାନସଭାର ନିର୍ବାଚନ ଫଳାଫଳ ମଧ୍ୟ ଘୋଷଣା କରାଯାଇଛି । ନିର୍ବାଚନୀ ଫଳାଫଳ ଘୋଷଣା ପରେ ରାଜ୍ୟରେ ସତ୍ତାଧାରୀ ତେଲୁଗୁ ଦେଶମ୍ ପାର୍ଟିର ବିଦାୟ ନେଇଛି । ରାଜ୍ୟରେ ଜଗନ ମୋହନ ରେଡ୍ଡିଙ୍କ ନେତୃତ୍ବାଧୀନ ଓ୍ବାଇଏସ୍ଆର୍ କଂଗ୍ରେସ ଶାସନ କ୍ଷମତା ଦଖଲ କରିଛି । ଜଗନ ମୋହନ ରେଡ୍ଡି ମଇ ୨୫ ତାରିଖରେ ବିଧାୟକଙ୍କ ବୈଠକ ରଖିଛନ୍ତି । ମେ ୩୦ ତାରିଖରେ ଆନ୍ଧ୍ରପ୍ରଦେଶରେ ନୂତନ ମୁଖ୍ୟମନ୍ତ୍ରୀ ଭାବେ ଜଗନ ମୋହନ ରେଡ୍ଡୀ ଶପଥ ଗ୍ରହଣ କରିପାରନ୍ତି । ଆନ୍ଧ୍ରପ୍ରଦେଶର ୧୭୫ ବିଶିଷ୍ଟ ବିଧାନସଭା ଆସନରେ ଓ୍ବାଇଏସ୍ଆର କଂଗ୍ରେସ ୧୪୯ଟି ଆସନ ଦଖଲ କରିଥିବାବେଳେ ନାଇଡୁଙ୍କ ଟିଡିପି ଦଳକୁ ମିଳିଛି ମାତ୍ର ୨୫ଟି ସିଟ୍ । ସେହିପରି ଲୋକସଭା ଆସନରେ ଓ୍ବାଇଏସଆର କଂଗ୍ରେସକୁ ୨୩ଟି ଆସନ ମିଳିଥିବାବେଳେ ଟିଡିପିକୁ କେବଳ ୨ଟି ଆସନ ମିଳିଛି ।
jagan mohan