ଭୁବନେଶ୍ବର: ଆଜି ଭୁବନେଶ୍ବରରୁ ଛଅ ଜଣିଆ ଡାକ୍ତରୀ ଦଳ ନବରଂଗପୁର ଗସ୍ତ କରିଛନ୍ତି। ସେମାନେ ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟ ସେବାରେ ଏହି ଗସ୍ତ କରିଛନ୍ତି। ନବରଂଗପୁରରେ କେତେକ ଜରୁରୀ ରୋଗୀଙ୍କୁ ଏମାନେ ଚିକିତ୍ସା କରିବେ। ସେଠାରେ ଏହି ଦଳ ପ୍ରାୟ ଆଠ ଶହ ରୋଗୀ ଦେଖିବେ ବୋଲି ସ୍ବାସ୍ଥ୍ୟ ସଚିବ କହିଛନ୍ତି।
ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟ ସେବାକୁ ଗତ ବର୍ଷ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିଥିଲେ। ଏହି ସେବା ମାଧ୍ୟମରେ ଭୁବନେଶ୍ବରରୁ ଭଲ ଡାକ୍ତରୀ ଦଳ ଆଦିବାସୀ ଜିଲ୍ଲାକୁ ଯାଇ ଚିକିତ୍ସା କରି ଫେରିବେ। ସେଥିପାଇଁ ଏକ ସ୍ବତନ୍ତ୍ର ବିମାନକୁ ଭଡା ସୁତ୍ରରେ ନିଆଯାଇଥାଏ।