ନୂଆଦିଲ୍ଲୀ: ଆଜି ଏକ ଭିଡିଓ କନଫରେନ୍ସରେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ବିଜେପି ସଭାପତି ଜେ.ପି. ନଡ୍ଡା ଆକ୍ରମଣ କରିଛନ୍ତି। ଲଣ୍ଡନରେ ହୋଇଥିବା ରାଷ୍ଟ୍ର ବିରୋଧୀ ବିବୃତ୍ତି ସମ୍ପର୍କରେ ଶ୍ରୀ ନଡ୍ଡା କହିଛନ୍ତି ଯେ, ରାହୁଲ ଗାନ୍ଧୀଙ୍କୁ ଦେଶ ତଥା ସଂସଦରେ କ୍ଷମା ମାଗିବାକୁ ପଡ଼ିବ।
ଜେପି ନଡ୍ଡା କହିଛନ୍ତି ଯେ, କଂଗ୍ରେସ ଦଳ ରାଷ୍ଟ୍ର ବିରୋଧୀ କାର୍ଯ୍ୟକଳାପରେ ଜଡିତ ହେବା ଦୁର୍ଭାଗ୍ୟଜନକ। ଜନସାଧାରଣ ବାରମ୍ବାର ପ୍ରତ୍ୟାଖ୍ୟାନ କରିବା ପରେ ରାହୁଲ ଗାନ୍ଧୀ ବର୍ତ୍ତମାନ ଏହି ରାଷ୍ଟ୍ର ବିରୋଧୀ ଟୁଲକିଟର ଏକ ସ୍ଥାୟୀ ଅଂଶ ହୋଇପାରିଛନ୍ତି।
ବିଜେପି ମୁଖ୍ୟ କହିଛନ୍ତି ଯେ, ଗୋଟିଏ ପଟେ ଭାରତର ପ୍ରଧାନମନ୍ତ୍ରୀଙ୍କ ନେତୃତ୍ୱରେ ବିଶ୍ୱର୫ ତମ ବୃହତ୍ତମ ଅର୍ଥନୀତିରେ ଦେଶ ପରିଣତ ହେଉଛି ଏବଂ ଜି-୨୦ ବୈଠକ ଅନୁଷ୍ଠିତ ହେଉଛି, ରାହୁଲ ଗାନ୍ଧୀ ଦେଶ ତଥା ସଂସଦକୁ ବିଦେଶୀ ମାଟିରେ ଅପମାନ କରୁଛନ୍ତି, ହା ପଛରେ ଉଦ୍ଦେଶ୍ୟ ଜାଣିବାକୁ ମୁଁ ଚାହୁଁଛି।
ବିଜେପି ମୁଖ୍ୟ ଜେପି ନଡ୍ଡା ରାହୁଲ ଗାନ୍ଧୀଙ୍କୁ ପଚାରିଛନ୍ତି ଯେ, ଆପଣ ଭାରତର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରିବାକୁ ଅନ୍ୟ ଦେଶର ହସ୍ତକ୍ଷେପ ଲୋଡିଛନ୍ତି। ଏହା ପଛରେ ଆପଣଙ୍କର ଉଦ୍ଦେଶ୍ୟ କ’ଣ? ଅନ୍ୟ କୌଣସି ଦେଶରୁ ଭାରତର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ ଲୋଡ଼ିବା ହେଉଛି ଭାରତର ସାର୍ବଭୌମତ୍ୱ ଉପରେ ଆକ୍ରମଣ ବୋଲି ଶ୍ରୀ ନଡ୍ଡା ଦାବି କରିଛନ୍ତି।
