ନୂଆଦିଲ୍ଲୀ: ଆଜି କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯାଇଛି। ଗୋଟିଏ ପର୍ଯ୍ୟାୟରେ ମେ ୧୦ ତାରିଖରେ ମତଦାନ ହେବ। ରାଜ୍ୟରେ ୨୨୪ ଟି ବିଧାନସଭା ଆସନର ଫଳାଫଳ ଆସନ୍ତା ୧୩ ତାରିଖରେ ଘୋଷଣା କରାଯିବ।
ନିର୍ବାଚନ ଆୟୋଗଙ୍କ ଅନୁଯାୟୀ ରାଜ୍ୟରେ ମୋଟ ୫,୨୧,୭୩,୫୭୯ ଭୋଟର ଅଛନ୍ତି। କର୍ଣ୍ଣାଟକରେ ୯.୧୭ ଲକ୍ଷ ନୂତନ ଭୋଟର ଯୋଗ କରାଯାଇଛି। ୧୦୦ ବର୍ଷରୁ ଅଧିକ ୧୬ ହଜାରରୁ ଅଧିକ ଭୋଟର ଅଛନ୍ତି। ୮୦ ବର୍ଷରୁ ଅଧିକ ଭୋଟରମାନେ ଘରୁ ଭୋଟ୍ ଦେବାକୁ ସମର୍ଥ ହେବେ। ଯେଉଁମାନେ ଏପ୍ରିଲ ୧ ତାରିଖରେ ୧୮ ବର୍ଷ ବୟସ ଅତିକ୍ରମ କରୁଛନ୍ତି ସେମାନେ ମଧ୍ୟ ଭୋଟ୍ ଦେବେ। ୨୨୪ ଟି ବୁଥ୍ ତିଆରି କରାଯାଇଛି, ଯେଉଁଥିରେ ଯୁବକ କର୍ମଚାରୀ ନିୟୋଜିତ ହେବେ। ୧୦୦ ଟି ବୁଥରେ ଦିବ୍ୟାଙ୍ଗ କର୍ମଚାରୀ ନିୟୋଜିତ ହେବେ।
