ନୂଆଦିଲ୍ଲୀ: ପୁଣିଥରେ କରୋନା ଭାରତରେ ହଇଚଇ ସୃଷ୍ଟି କରିବା ଆରମ୍ଭ କରିଛି। ଗତ ୨୪ ଘଣ୍ଟା ମଧ୍ୟରେ ଦେଶରେ କରୋନା ମାମଲାରେ ୪୦ ପ୍ରତିଶତ ବୃଦ୍ଧି ଘଟିଛି। ଗୋଟିଏ ଦିନରେ ୩ ହଜାର ୧୬ ଟି ନୂତନ ମାମଲା ରିପୋର୍ଟ ହୋଇଛି, ଯାହାକି ଅକ୍ଟୋବର ୨ ତାରିଖ ୨୦୨୨ ପରଠାରୁ ସର୍ବାଧିକ ଦୈନିକ କୋଭିଡ ମାମଲା ଅଟେ। ଏହାପୂର୍ବରୁ ଗତ ବର୍ଷ ଅକ୍ଟୋବର ୨ ରେ ଦୈନିକ ୩ ହଜାର ୩୭୫ ମାମଲା ରୁଜୁ ହୋଇଥିଲା।
ବର୍ତ୍ତମାନ ଦେଶରେ ସଂକ୍ରମିତ ଲୋକଙ୍କ ସଂଖ୍ୟା ୪ କୋଟି ୪୭ ଲକ୍ଷ ୧୨ ହଜାର ୬୯୨ କୁ ବୃଦ୍ଧି ପାଇଛି। ଗତ ୬ ମାସ ମଧ୍ୟରେ ଏହା ସର୍ବାଧିକ ଦୈନିକ ମାମଲା ରିପୋର୍ଟ ହୋଇଛି। ଏଥି ସହିତ ଚିକିତ୍ସିତ ହେଉଥିବା ରୋଗୀଙ୍କ ସଂଖ୍ୟା ୧୩ ହଜାର ୫୦୯ କୁ ବୃଦ୍ଧି ପାଇଛି।
ତେବେ ଏପର୍ଯ୍ୟନ୍ତ ସମୁଦାୟ ୪ କୋଟି ୪୧ ଲକ୍ଷ ୬୮ ହଜାର ୩୨୧ ଲୋକ କରୋନାରୁ ସୁସ୍ଥ ହୋଇଛନ୍ତି।