ଭୁବନେଶ୍ବର: ଆଜି ବିଜୁ ଜନତା ଦଳ ଝାରସୁଗୁଡା ଉପନିର୍ବାଚନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି। ସେ ହେଉଛନ୍ତି ଦୀପାଳି ଦାସ। ଦୀପାଳି ହେଉଛନ୍ତି ପୂର୍ବତନ ମନ୍ତ୍ରୀ ସ୍ବର୍ଗତ ନବ କିଶୋର ଦାସଙ୍କ ଝିଅ। ଫଳରେ ବିଜେଡି ପୁଣି ଥରେ ସହାନୁଭୂତି ଭୋଟ ହାତେଇବା ପାଇଁ ପଦ୍ମପୁର ପରି ଝାରସୁଗୁଡାରେ ସେହି ରଣନୀତି ଆପଣେଇଛି।
ପୂର୍ବତନ ମନ୍ତ୍ରୀ ତଥା ଝାରସୁଗୁଡା ବିଧାୟକ ଥିବା ନବ ଦାସଙ୍କୁ ଚଳିଚ ବର୍ଷ ଜାନୁୟାରୀ 29 ତାରିଖରେ ହତ୍ୟା କରାଯାଇଥିଲା। ଯାହା ସାରା ଦେଶରେ ଚାଞ୍ଚଲ୍ୟ ଖେଳାଇ ଦେଇଛି। ଏହାପରେ ଦୀପାଳି ଝାରସୁଗୁଡା ଦାୟିତ୍ବ ନେବେ ବୋଲି ଜଣାପଡିଥିଲା। ଏପରିକି ଗତ କିଛି ମାସ ଧରି ଦୀପାଳି ସେହି ଅଞ୍ଚଳରେ ନିଜର ଲୋକ ସଂପର୍କ ଜାରୀ ରଖିଛନ୍ତି।
