ଭାରତୀୟ ଜନତା ପାର୍ଟିର ସଦସ୍ୟ ତଥା ବରିଷ୍ଠ ଲୋକସଭା ସାଂସଦ ସନ୍ତୋଷ ଗଙ୍ଗଓ୍ବାରଙ୍କୁ ଲୋକସଭାର କାମଚଳା ବାଚସ୍ପତି ଭାବରେ ଦାୟିତ୍ବ ଗ୍ରହଣ କରିଛନ୍ତି। ବରେଲୀରୁ ବିଜେପିର ସାଂସଦ ରହିଥିବା ଗଙ୍ଗଓ୍ବାର ୮ ଥର ପାଇଁ ସାଂସଦ ରହିଛନ୍ତି। ସମସ୍ତ ସଦସ୍ୟଙ୍କୁ ଶପଥ ଗ୍ରହଣ କରାଇବେ ଗଙ୍ଗଓ୍ବାର। ଦଳର ଅନ୍ୟତମ ବରିଷ୍ଠ ନେତ୍ରୀ ତଥା ୮ ଥର ସାଂସଦ ରହିଥିବା ମାନେକା ଗାନ୍ଧୀ ଏହି ଶପଥ ଗ୍ରହଣ କାର୍ଯ୍ୟରେ ଗଙ୍ଗଓ୍ବାରଙ୍କୁ ସହାୟତା କରିବେ। ଉଭୟ ନେତା ଚଳିତ କ୍ୟାବିନେଟ୍ରେ ସ୍ଥାନ ପାଇବାର ସମ୍ଭାବନା ରହିଥିବାରୁ କାମଚଳା ବାଚସ୍ପତି ଭାବରେ ନିଯୁକ୍ତ କରାଯାଇଛି। ଯଦି ଉଭୟ ଗଙ୍ଗଓ୍ବାର ଏବଂ ମାନେକା କ୍ୟବିନେଟ୍ରେ ସ୍ଥାନ ହାସଲ କରନ୍ତି ତେବେ କେରଳର କଂଗ୍ରେସ ସାଂସଦ କୋଡିକୁନ୍ନିଲ ସୁରେଶ କାମଚଳା ବାଚସ୍ପତିର ଦାୟିତ୍ବ ନିର୍ବାହ କରିବେ। ଉଲ୍ଲେଖଯୋଗ୍ୟ ଯେ ୨୦୧୬ରେ କଂଗ୍ରେସ ନେତା କମଲ ନାଥ କାମଚଳା ବାଚସ୍ପତି ଦାୟିତ୍ବ ନିର୍ବାହ କରିଥିଲେ।
